ರಾಯರ ಜಪದಕಟ್ಟೆ ಜಮೀನು ಸರ್ವೆ ಅಡ್ಡಿಪಡಿಸಿದ 12 ಜನ ಪೊಲೀಸರ ವಶಕ್ಕೆ

ತಾಲೂಕಿನ ಬಿಚ್ಚಾಲಿ ಗ್ರಾಮದ ಶ್ರೀ ರಾಘವೇಂದ್ರ ಸ್ವಾಮಿಗಳು ತಪಸ್ಸು ಮಾಡಿದ ಜಪದ ಕಟ್ಟೆ ಸಂಬಂದಿಸಿದಂತೆ ಎಸ್ಪಿ ಡಾ.ಹಂಪಣ್ಣ ಸಜ್ಜನ ಅಧ್ಯಕ್ಷತೆಯಲ್ಲಿ ಅಧಿಕಾರಿಗಳು ಸೋಮವಾರ ಸರ್ವೆ ಮಾಡುತ್ತಿರುವುದು.

Published on:

17 Apr 2026, 4:53 pm

ಮಂತ್ರಾಲಯ ಮಠ ರಾಜ್ಯ ಸರ್ಕಾರಕ್ಕೆ ಪತ್ರ ಬರೆದು ಮಂತ್ರಾಲಯ ಸೇರಿದ ಐತಿಹಾಸಿಕ ಸ್ಥಳ ಅಭಿವೃದ್ಧಿಗೆ ಮಠದ ಸುಪರ್ದಿಗೆ ನೀಡುವಂತೆ ಪತ್ರ ಬರೆದಿದ್ದರಿಂದ ಎಸಿ ಡಾ.ಹಂಪಣ್ಣ ಸಜ್ಜನ ಹಾಗೂ ತಹಶೀಲ್ದಾರ್ ಸುರೇಶ ವರ್ಮಾ ನೇತೃತ್ವದಲ್ಲಿ ಜಮೀನು ಸರ್ವೆಗೆ ಪೊಲೀಸ್ ಬಂದೋಬಸ್ತ್‌ನೊಂದಿಗೆ ಸರ್ವೆಗೆ ತೆರಳಿದ್ದರು.

ಗ್ರಾಮಸ್ಥರು ತೀವ್ರ ವಿರೋಧ ವ್ಯಕ್ತಪಡಿಸಿದ್ದರಿಂದ ಬಿಗು ವಾತಾವರಣ ತಲೆದೂರಿತ್ತು. ಉಳುಮೆ ಮಾಡುತ್ತಿರುವ ರೈತರು ಕಂದಾಯ ಇಲಾಖೆ ನೋಟಿಸ್ ನೀಡದೇ ಏಕಾಎಕಿ ತೆರವುಗೊಳಿಸಲು ಬಂದಿರುವದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದರು.

ಪರಸ್ಥಿತಿ ಕೈ ಮೀರುತ್ತಿದ್ದಂತೆ ಯರಗೇರಾ ಪೊಲೀಸರು ವಶಕ್ಕೆ ಪಡೆದು ಪರಸ್ಥಿತಿಯನ್ನು ನಿಯಂತ್ರಿಸಲು ಪ್ರಯತ್ನಿಸಿದ್ದರು. ಕಂದಾಯ ಇಲಾಖೆ ದಾಖಲೆಯಂತೆ ಸರ್ವೆ ನಂಬರನಲ್ಲಿ ಸರ್ಕಾರವೆಂದು ನಮೂದಾಗಿರುವದರಿಂದ ರೈತರಿಗೆ ನೋಟಿಸ್ ನೀಡಲು ಬರುವದಿಲ್ಲ ಎಂದು ಅಧಿಕಾರಿಗಳು ಹೇಳಿದ್ದರಿಂದ ರೈತರು ಆಕ್ಷೇಪ ವ್ಯಕ್ತಪಡಿಸಿದರು.

ಅಧಿಕಾರಿಗಳು ಸರ್ವೆ ಕಾರ್ಯ ಮುಂದುವರೆಸಿದ್ದು ಅಧಿಕಾರಿಗಳು ನೀಡುವ ವರದಿ ಆಧಾರದ ಮೇಲೆ ಸರ್ಕಾರ ಅಂತಿಮ ಆದೇಶ ಹೊರಡಿಸಬೇಕಿದೆ.

Raichur