ಈ ಹಿಂದೆಯೂ ಬೀದಿ ನಾಯಿಗಳ ದಾಳಿಯಿಂದ ಸಾಕಷ್ಟು ಸಾವು ನೋವುಗಳು ಸಂಭವಿಸಿವೆ, ಕೊಳಗೇರಿ ಬಡಾವಣೆಗಳಾದ ಮಡ್ಡಿಪೇಟೆ, ಎಲ್.ಬಿ.ಎಸ್ ನಗರ, ಸಿಯಾತಲಾಬ್, ಹರಿಜನವಾಡ, ಜಲಾಲ ನಗರ, ಮೈಲಾರ ನಗರ, ಕಾಳಿದಾಸನಗರ , ಜಹಿರಾಬಾದ್, ಸ್ಟೇಷನ್ ಏರಿಯಾ, ಕೇಂದ್ರ ಬಸ್ ನಿಲ್ದಾಣ ಸೇರಿದಂತೆ ಇತ್ಯಾದಿ ಸ್ಥಳಗಳಲ್ಲಿ ಸಾರ್ವಜನಿಕರು, ವೃದ್ಧರು, ಬಡಾವಣೆಗಳಲ್ಲಿ ಆಟ ಆಡುವ ಮಕ್ಕಳು, ರಸ್ತೆಗಳಲ್ಲಿ ವಾಹನಗಳ ಮೇಲೆ ಸಂಚಾರಿಸುವ ದ್ವಿ-ಚಕ್ರ ಸವಾರರ ಮೇಲೆ ಬೀದಿನಾಯಿಗಳು ದಾಳಿ ಮಾಡಿ ಗಾಯಗೊಳಿಸಿದ ಉದಾಹರಣೆಗಳಿದ್ದರೂ ಬೀದಿ ನಾಯಿಗಳ ಹಾಗೂ ಬೀಡಾಡಿ ದನಗಳ ಹಾವಳಿಯನ್ನು ತಪ್ಪಿಸಲು ಜಿಲ್ಲಾಡಳಿತ ಮುಂದಾಗುತ್ತಿಲ್ಲ. ರಸ್ತೆ ಮೇಲೆ ಬೀಡಾದಿ ದನಗಳನ್ನು ಬಿಡದೇ ಅವುಗಳನ್ನು ಗೋಶಾಲಾಕ್ಕೆ ಸ್ಥಳಾಂತರಿಸಿ, ಸುಗಮ ಸಂಚಾರಕ್ಕೆ ಅನುಕೂಲ ಮಾಡಿಕೊಡಬೇಕು ಮತ್ತು ಮೃತ ಬಡ ಮಹಿಳೆ ಮಹಾದೇವಿ ಕುಟುಂಬಕ್ಕೆ 30 ಲಕ್ಷ ರೂ. ಪರಿಹಾರ ಧನವನ್ನು ನಗರ ಸಭೆ ಮತ್ತು ಜಿಲ್ಲಾಡಳಿತದಿಂದ ನೀಡಬೇಕು ಎಂದು ಒತ್ತಾಯಿಸಲಾಯಿತು.
