ನ.4 ರಂದು ಮಧ್ಯಾಹ್ನ 12 ಗಂಟೆ ವೇಳೆಗೆ ಬನಹಟ್ಟಿ ಮನೆಯಲ್ಲಿ ಜಗಳವಾಡಿದ ರವಿ ಮಹಾದೇವಪ್ಪ ಆದಗೊಂಡ (50) ಸಿಟ್ಟಿನಿಂದ ತೇರದಾಳ ಮಾರ್ಗವಾಗಿ ರಾಯಬಾಗ ಪಟ್ಟಣದತ್ತ ತೆರಳಿದ್ದಾನೆ. ಅದೇ ದಿನ 2 ಗಂಟೆ ವೇಳೆಗೆ ರಾಯಬಾಗ ಹತ್ತಿರದ ನಾಗರಾಳ ಕ್ರಾಸ್ಗೆ ಹೊಂದಿಕೊಂಡಂತಿರುವ ರೈಲ್ವೆ ಹಳಿ ಮೇಲೆ ಮಲಗಿ ಗೂಡ್ಸ್ ರೈಲಿಗೆ ತಲೆಕೊಟ್ಟು ಆತ್ಮಹತ್ಯೆಗೆ ಶರಣಾಗಿದ್ದಾನೆ. ಈ ಕುರಿತು ಬೆಳಗಾವಿ ರೈಲ್ವೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ನಂತರ ಶನಿವಾರ ಪೊಲೀಸರು ಅಂತ್ಯಕ್ರಿಯೆ ನಡೆಸುವ ಸಮಯದಲ್ಲೇ ಕುಟುಂಬಸ್ಥರು ಹಾಜರಾಗಿ ಶವ ಪರಿಶೀಲಿಸಿದರು. ನಂತರ ಕುಟುಂಬಸ್ಥರೇ ಅಂತ್ಯಸಂಸ್ಕಾರ ನಡೆಸಿದರೆಂದು ಪೊಲೀಸ್ ಮೂಲಗಳಿಂದ ತಿಳಿದುಬಂದಿದೆ.
