ನಾನಾ ರೀತಿಯ ರಾಖಿ: ನಗರದ ಟಾಂಗಾಕೂಟ, ಗ್ರೇನ್ ಮಾರುಕಟ್ಟೆ, ಜಗದ್ಗುರು ತೋಟದಾರ್ಯ ಮಠದ ಆವರಣ, ಬೆಟಗೇರಿ ಭಾಗ, ಜನತಾ ಬಜಾರ, ಹಾತಲಗೇರಿ ನಾಕಾ, ಸಿದ್ಧಲಿಂಗಾ ನಗರ, ಗಾಂ ವೃತ್ತ ಸೇರಿದಂತೆ ಪ್ರಮುಖ ಮಾರುಕಟ್ಟೆಗಳಲ್ಲಿ ರಾಖಿ ವ್ಯಾಪಾರ ಜೋರಾಗಿತ್ತು. ಪ್ರಮುಖ ಸ್ಟೇಷನರಿ ಅಂಗಡಿ, ಲೇಡಿಸ್ ಕಾರ್ನರ್ ಸೇರಿದಂತೆ ಬೀದಿ ಬದಿ ತಳ್ಳುಗಾಡಿಗಳಲ್ಲೂ ಮಾರಾಟ ಭರ್ಜರಿಯಾಗಿತ್ತು. ಮಾಬುಸುಬಾನಿ ಕಟ್ಟೆ, ಜನತಾ ಬಜಾರ್, ಬ್ಯಾಂಕ್ ರಸ್ತೆ, ಸ್ಟೇಷನ್ ರಸ್ತೆ, ಮಹೇಂದ್ರಕರ್ ವೃತ್ತ, ಗಂಗಾಪುರ ಪೇಟೆ, ಬೆಟಗೇರಿ ತೆಂಗಿನಕಾಯಿ ಬಜಾರ್, ಹಾತಲಗೇರಿ ನಾಕಾ, ಮುಳಗುಂದ ನಾಕಾ, ಕೆ.ಸಿ. ರಾಣಿ ರಸ್ತೆ ಹಾಗೂ ವೆಂಕಟೇಶ ಚಿತ್ರಮಂದಿರ ರಸ್ತೆಯಲ್ಲಿ ವ್ಯಾಪರ ನಡೆಯುತ್ತಿದೆ. ಮಾರುಕಟ್ಟೆಗೆ ನಾನಾ ಬಗೆಯ ರಾಖಿಗಳು ಲಗ್ಗೆ ಇಟ್ಟಿವೆ. ಸ್ಟೋನ್, ಶ್ರೀರಕ್ಷಾ, ಶುಭ, ಕ್ರೇಜಿ, ತಾರಾ ಹಾಗೂ ಡೈಮಂಡ್ ಹೆಸರಿನ ರಾಖಿಗಳು ಎಲ್ಲರನ್ನು ಆಕರ್ಷಿಸುತ್ತಿವೆ. ತಲಾ ರಾಖಿಯೊಂದಕ್ಕೆ ಕನಿಷ್ಠ ೧೦ ರಿಂದ ಗರಿಷ್ಠ ೫೦೦ ರೂ.ಗಳವರೆಗೆ ಮಾರುಕಟ್ಟೆಯಲ್ಲಿ ದರ ಕಂಡುಬರುತ್ತಿದೆ.
