ಸೇವೆಯಲ್ಲಿರುವಾಗಲೇ ಹಿಮಪಾತದಲ್ಲಿ ಸಿಲುಕಿ ಹುತಾತ್ಮನಾದ ಕೊಡಗಿನ ಯೋಧ

ಶ್ರೀನಗರ: ಕಾಶ್ಮೀರದ ಶ್ರೀನಗರದಲ್ಲಿ ಸಂಭವಿಸಿದ ಹಿಮಪಾತದಲ್ಲಿ ಸಿಲುಕಿ ಕೊಡಗು ಮೂಲದ ಯೋಧ ಅಲ್ತಾಫ್​ ಅಹ್ಮದ್​ (37) ಅವರು ಹುತಾತ್ಮರಾಗಿದ್ದಾರೆ. ಯೋಧನ ಪಾರ್ಥೀವ ಶರೀರ ನಾಳೆ (ಫೆ.25) ಕೊಡಗಿನ ವೀರಾಜಪೇಟೆಗೆ ಆಗಮಿಸುವ ನಿರೀಕ್ಷೆ ಇದೆ.

ಸ್ನೇಹಿತ ಫೈಸಲ್ ಜತೆ ನಿನ್ನೆ ಬೆಳಗ್ಗೆಯಷ್ಟೇ ಮಾತನಾಡಿದ್ದ ಯೋಧ ಅಲ್ತಾಫ್, ಮರುಕ್ಷಣವೇ ದುರಂತ ಘಟನೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ. ಅಲ್ತಾಫ್​ ಎಒಸಿ ರೆಜಿಮೆಂಟ್​ನಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದರು. ಅವರ ಕುಟುಂಬ 10 ವರ್ಷಗಳಿಂದ ಕೇರಳದಲ್ಲೇ ನೆಲೆಸಿದೆ.

ಪಿಯುಸಿ ಓದಿದ್ದ ಅಲ್ತಾಫ್​ ಬಳಿಕ ಸೇನೆಗೆ ಸೇರಿ 19 ವರ್ಷಗಳಿಂದ ದೇಶ ಸೇವೆ ಮಾಡುತ್ತಿದ್ದರು. ಇವರು ಕೊಡಗಿನ ವಿರಾಜಪೇಟೆ ಸಮೀಪದ ಎಡಪಾಲದ ನಿವಾಸಿಯನ್ನು ಮದುವೆ ಆಗಿದ್ದರು. (ದಿಗ್ವಿಜಯ ನ್ಯೂಸ್​)

https://www.vijayavani.net/r-yadgir-pdo-bribe-corruption-bribe-recieving-video-village-officer/

https://www.vijayavani.net/karnataka-and-jammu-kashmir-ranji-trophy-match-for-web/

https://www.vijayavani.net/illegal-cess-at-grama-panchayath/