ಘಟನೆ ಬಗ್ಗೆ ಮತ್ತಷ್ಟು ಮಾಹಿತಿ ಕಲೆ ಹಾಕುತ್ತಿರುವ ತನಿಖಾಧಿಕಾರಿಗಳು ಮೃತ ಕರುಣಾ ಸಾಗರ್ ತಂದೆ ಹಾಗೂ ತಮಿಳುನಾಡಿನ ಡಿಎಂಕೆ ಶಾಸಕ ವೈ ಪ್ರಕಾಶ್ ಅವರನ್ನು ಸಂಪರ್ಕ ಮಾಡಿದ್ದಾರೆ. ಮಗನ ಸಾವಿನ ಕುರಿತು ಹೇಳಿಕೆ ಪಡೆಯಲು ಸಂಪರ್ಕ ಮಾಡಿದ್ದು, ಕರುಣ್ ಸಾಗರ್ ಬೆಂಗಳೂರಿಗೆ ಬಂದಿದ್ದು ಯಾವಾಗ? ಎಷ್ಟು ಗಂಟೆಗೆ ಬೆಂಗಳೂರಿಗೆ, ಯಾಕೆ ಬಂದಿದ್ರು? ಬರುವ ಮೊದಲು ತಮಗೆ ಮಾಹಿತಿ ಇತ್ತಾ? ಪ್ರಕರಣ ಸಂಬಂಧ ತಮಗೆ ಏನಾದ್ರು ಮಾಹಿತಿ ಇದೆಯಾ? ಎಲ್ಲಾ ಹೇಳಿಕೆ ಪಡೆಯಲು ತನಿಖಾಧಿಕಾರಿ ಮುಂದೆ ಬರುವಂತೆ ಸೂಚನೆ ನೀಡಿದ್ದಾರೆಂದು ತಿಳಿದುಬಂದಿದೆ. ಮಗನ ಸಾವಿನ ದುಃಖದಲ್ಲಿರುವ ಪ್ರಕಾಶ್ ಕಾಲವಕಾಶಕ್ಕೆ ಮನವಿ ಮಾಡಿದ್ದು, ಒಂದೆರಡು ದಿನ ಬಿಟ್ಟು ಬರುವುದಾಗಿ ಹೇಳಿದ್ದಾರೆಂಬ ಮಾಹಿತಿ ತಿಳಿದುಬಂದಿದೆ.
