ಸರ್ಕಾರದ ಎಲ್ಲ ಆಡಳಿತಾತ್ಮಕ ವ್ಯವಸ್ಥೆಯಲ್ಲಿ ಪೇಪರ್ಲೆಸ್ ಕಚೇರಿಯನ್ನಾಗಿಸುವ ಮೂಲಕ ಎಲ್ಲ ದಾಖಲಾತಿಗಳು ಇ-ದಾಖಲೆಗಳಾಗಿ ಪರಿವರ್ತನೆಯಾಗಲಿದೆ. ಸಾರ್ವಜನಿಕರಿಗೆ ಕ್ಷಣಾರ್ಧದಲ್ಲಿ ಎಲ್ಲ ಸೌಲಭ್ಯಗಳು ಲಭಿಸಲಿ ಎನ್ನುವ ಉದ್ದೇಶದಿಂದ ಈಗಾಗಲೇ ರಾಜ್ಯಮಟ್ಟದಲ್ಲಿ ಚಾಲನೆ ನೀಡಲಾಗಿದೆ. ಡಿಜಿಟಲ್ ರೂಪದಲ್ಲಿ ಬದಲಾದ ದಾಖಲೆಗಳು ತಂತ್ರಜ್ಞಾನದಲ್ಲಿ ಶಾಶ್ವತವಾಗಿರಬೇಕು. ದಾಖಲೆಗಳು ನೇರ, ಸುಲಭವಾಗಿ ಲಭ್ಯವಾಗಬೇಕು. ಹಾಳೆ ಅಥವಾ ರಜಿಸ್ಟರ್ಗಳ ದಾಖಲಾತಿಗಳಂತೆ ತಿದ್ದುಪಡಿ ಮಾಡಲು ಸಾಧ್ಯವಿಲ್ಲ, ಅಲ್ಲದೆ, ತ್ವರಿತಸೇವೆ ಒದಗಿಸಲು ಸಾಧ್ಯವಾಗಲಿದೆ. ಇದರಿಂದ ಕಂದಾಯ ಇಲಾಖೆಗೆ ಹೊಸ ಮೆರುಗು ಬಂದಿದ್ದು, ಇನ್ಮುಂದೆ ಸಿಬ್ಬಂದಿಗೆ ದಾಖಲಾತಿ ಕಳೆಯುವುದು, ಹುಡುಕುವುದು ತಪ್ಪಲಿದೆ ಎಂದರು.
