VIDEO| ಕ್ವಾರಂಟೈನ್ ಸೀಲ್​ ತಂದ ಫಜೀತಿ: ಮೆಜೆಸ್ಟಿಕ್​ನಲ್ಲಿ ಪರದಾಡಿದ ಯುವತಿ...!

ಬೆಂಗಳೂರು: ಕರೊನಾ ವೈರಸ್​ ಮುನ್ನೆಚ್ಛರಿಕಾ ಕ್ರಮವಾಗಿ ಹಾಕಲಾಗಿದ್ದ ಕ್ವಾರಂಟೈನ್​ ಸೀಲ್​ನಿಂದಲೇ ಯುವತಿಯೊಬ್ಬಳು ಪರದಾಡಿರುವ ಘಟನೆ ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ನಡೆದಿದೆ.

ಎಲ್ಲಿಗೂ ಹೋಗಲು ಸಾಧ್ಯವಾಗದೇ ಯುವತಿ ಮೆಜಿಸ್ಟಿಕ್​ನಲ್ಲೇ ಪರದಾಡಿದ್ದಾಳೆ. ಯುವತಿ ಪಾಟ್ನಾದಿಂದ ಬಂದಿದ್ದಳು. ಕ್ವಾರಂಟೈನ್​ ಅವಧಿ ಮುಗಿದ್ದಿದ್ದರೂ ಕೈಯಲ್ಲಿದ್ದ ಸೀಲ್​ ನೋಡಿ ಅವಳ ಹೇಳಿದ ಜಾಗಕ್ಕೆ ಕರೆದೊಯ್ಯಲು ಚಾಲಕರು ಭಯಭೀತರಾಗಿ ಹಿಂದೇಟು ಹಾಕಿದರು. ಯುವತಿ ಎಷ್ಟೇ ಗೋಗರೆದರೂ ಚಾಲಕರ ಮನಸ್ಸು ಮಾತ್ರ ಕರಗಲೇ ಇಲ್ಲ. ಇದನ್ನೂ ಓದಿ: ಮಿಯಾಂವ್​ ಮಿಯಾಂವ್​: ಬೆಕ್ಕಿನ ಚಿತ್ರದೊಂದಿಗೆ ಮುಂಬೈ ಜನತೆಗೆ ಪೊಲೀಸರ ಎಚ್ಚರಿಕೆ!

ಕರೊನಾ ಬಂದಾಗಿನಿಂದ ಜನರು ಭಯಭೀತರಾಗಿದ್ದು, ಬೇರೆ ದೇಶ, ರಾಜ್ಯ ಹಾಗೂ ಊರುಗಳಿಂದ ಬರುವವರನ್ನು ಮುನ್ನೆಚ್ಛರಿಕಾ ಕ್ರಮವಾಗಿ 14 ದಿನಗಳ ಕಾಲ ಕ್ವಾರಂಟೈನ್​ನಲ್ಲಿ ಇಡಲಾಗುತ್ತದೆ. ಈ ವೇಳೆ ಅವರು ಎಲ್ಲಿಯೂ ಓಡಾಡುವಂತಿಲ್ಲ. ಹೀಗಾಗಿ ಯುವತಿಯ ಕೈಯಲ್ಲಿದ್ದ ಕ್ವಾರಂಟೈನ್ ಸೀಲ್​ ನೋಡಿ ಗಾಬರಿಗೊಂಡಿದ್ದಾರೆ. (ದಿಗ್ವಿಜಯ ನ್ಯೂಸ್​)