ಚತುಷ್ಪಥ ಕಾಮಗಾರಿ ಅವೈಜ್ಞಾನಿಕ

ಕರಿಯಪ್ಪ ಅರಳಿಕಟ್ಟಿ ರಾಣೆಬೆನ್ನೂರ

ನಗರದಲ್ಲಿ ನಿರ್ವಿುಸುತ್ತಿರುವ ಚತುಷ್ಪಥ ಕಾಮಗಾರಿ ಸಂಪೂರ್ಣ ಅವೈಜ್ಞಾನಿಕವಾಗಿದೆ.

ಲೋಕೋಪಯೋಗಿ ಇಲಾಖೆ ವತಿಯಿಂದ ಒಟ್ಟು 10 ಕೋಟಿ ರೂಪಾಯಿ ವೆಚ್ಚದಲ್ಲಿ ನಗರದ ಹಲಗೇರಿ ರಸ್ತೆ (ಸಮ್ಮಸಗಿ-ಬಿಳಿಗಿರಿರಂಗನದಿಟ್ಟು ರಾಜ್ಯ ಹೆದ್ದಾರಿ)ಯನ್ನು ಚತುಷ್ಪಥವನ್ನಾಗಿ ನಿರ್ವಿುಸಲಾಗುತ್ತಿದೆ. ಈ ರಸ್ತೆ ನಗರದ ಎಪಿಎಂಸಿ ತರಕಾರಿ ಮಾರುಕಟ್ಟೆ ಬಳಿಯ ಹಲಗೇರಿ ಕ್ರಾಸ್​ನಿಂದ ಹೊರವಲಯದ ಎನ್​ಎಚ್-04ರಲ್ಲಿನ ಸೇತುವೆ ವರೆಗೆ ಒಟ್ಟು 1.83 ಕಿ.ಮೀ. ಉದ್ದವಿದೆ.

ನಗರದ ಮಧ್ಯ ಭಾಗದಿಂದ ಹಾದು ಹೋಗಿರುವ ಈ ರಸ್ತೆ ನಗರ ಯೋಜನಾ ಪ್ರಾಧಿಕಾರದ ಮಾಸ್ಟರ್​ಪ್ಲಾನ್ ಪ್ರಕಾರ ಒಟ್ಟು 24 ಮೀಟರ್ ಅಗಲವಿದೆ. ಬಹುತೇಕ ಕಡೆಗಳಲ್ಲಿ ರಸ್ತೆ ಅತಿಕ್ರಮಣವಾಗಿದೆ. ಆದರೆ, ಲೋಕೋಪಯೋಗಿ ಇಲಾಖೆಯವರು ರಸ್ತೆ ನಿರ್ವಣಕ್ಕೂ ಮುನ್ನ ಅತಿಕ್ರಮಣ ತೆರವುಗೊಳಿಸಿಲ್ಲ. ಅಲ್ಲದೆ, ಈಗಾಗಲೇ 1.3 ಕಿ.ಮೀ.ನಷ್ಟು ರಸ್ತೆ ನಿರ್ವಿುಸಲಾಗಿದೆ. ಅದರಲ್ಲಿ ಕೆಲವೆಡೆ 18 ಮೀಟರ್, ಇನ್ನೂ ಕೆಲವೆಡೆ 19 ಮೀಟರ್​ನಷ್ಟು ರಸ್ತೆ ಅಗಲವಿದೆಯೇ ಹೊರತು 24 ಮೀಟರ್ ವಿಸ್ತರಿಸಿದ್ದು ಎಲ್ಲಿಯೂ ಕಾಣಿಸುತ್ತಿಲ್ಲ. ರಸ್ತೆಯುದ್ದಕ್ಕೂ ಗಟಾರ್, ಫುಟ್​ಪಾತ್ ನಿರ್ವಣಕ್ಕೂ ಜಾಗ ಬಿಟ್ಟಿಲ್ಲ. ಕೆಇಬಿ ಗ್ರಿಡ್ ಕಾಂಪೌಂಡ್​ಗೆ ಹೊಂದಿಕೊಂಡು ರಸ್ತೆಗೆ ಡಾಂಬರೀಕರಣ ಮಾಡಲಾಗಿದೆ.

ಈ ರೀತಿ ರಸ್ತೆ ನಿರ್ವಣದಿಂದ ಅಕ್ಕಪಕ್ಕದ ನಿವಾಸಿಗಳು, ಪಾದಚಾರಿಗಳು ಹೇಗೆ ಓಡಾಡಬೇಕು. ಹಲಗೇರಿ ರಸ್ತೆಯಲ್ಲಿ ನಿತ್ಯವೂ ಎಪಿಎಂಸಿಗೆ ಬರುವ ಲಾರಿ, ಗೂಡ್ಸ್ ವಾಹನಗಳು ಹಾಗೂ ಬಸ್​ಗಳ ಸಂಚಾರ ಅಧಿಕವಾಗಿರುತ್ತದೆ. ಇಂತಹ ಸಮಯದಲ್ಲಿ ಜನರ ಸುರಕ್ಷತೆ ದೃಷ್ಟಿಯಿಂದ ರಸ್ತೆ ನಿರ್ವಿುಸಬೇಕಾದ ಅಧಿಕಾರಿಗಳು ಬೇಕಾಬಿಟ್ಟಿಯಾಗಿ ಕಾಮಗಾರಿ ಮಾಡಿಸಿದರೆ, ಜನರ ಗತಿ ಏನು ಎಂಬುದು ಸ್ಥಳೀಯರ ಪ್ರಶ್ನೆಯಾಗಿದೆ.

ಶಾಸಕರ ಕಡೆ ಬೊಟ್ಟು: ರಸ್ತೆ ಕಾಮಗಾರಿ ಕುರಿತು ಪಿಡಬ್ಲ್ಯುಡಿ ಸೆಕ್ಷನ್ ಆಫೀಸರ್ ಸದಾನಂದ ಲಮಾಣಿ ಅವರನ್ನು ಕೇಳಿದಾಗ, ಹಲಗೇರಿ ರಸ್ತೆ ಅತಿಕ್ರಮಣವಾಗಿರುವುದನ್ನು ಸರ್ವೆ ಮಾಡಿಸಿದ್ದೇವೆ. ಆದರೆ, ಸರ್ವೆ ಇಲಾಖೆಯವರು ಅತಿಕ್ರಮಣದ ಕುರಿತು ಗುರುತು ಮಾಡಿಲ್ಲ. ಗಟಾರ್, ಪುಟ್​ಪಾತ್ ನಿರ್ವಿುಸುವ ಕುರಿತು ಕ್ರಿಯಾಯೋಜನೆಯಲ್ಲಿ ಇಲ್ಲ ಎಂದರು. ಇದರಿಂದ ಸಾರ್ವಜನಿಕರಿಗೆ ತೊಂದರೆ ಆಗುತ್ತದೆ ಎಂದು ಕೇಳಿದಾಗ, ಈ ಬಗ್ಗೆ ಶಾಸಕರ ಗಮನಕ್ಕೆ ತಂದಿದ್ದೇವೆ ಎಂದು ಹೇಳಿ ಸುಮ್ಮನಾದರು.