ಪ್ರತಿನಿತ್ಯ ಬಂಡೆಗಳನ್ನ ಸಾಗಿಸುವ ಲಾರಿಗಳಿಗೆ ಪರ್ಮಿಟ್ ಹಾಗೂ ಸರ್ಕಾರಕ್ಕೆ ರಾಯಲ್ಟಿ ಪಾವತಿಸಬೇಕಿದೆ. ಆದರೆ, ಎರಡು ಲಾರಿಗಳಿಗೆ ಪರವಾನಗಿ ಪಡೆದು ಕಳ್ಳದಾರಿಯಲ್ಲಿ ಲಾರಿಗಳನ್ನ ಓಡಿಸಲಾಗುತ್ತದೆ. ಕಲ್ಯಾಣದುರ್ಗ ಮಾರ್ಗದ ಕೇವಲ 10 ಕಿ.ಮೀ ಅಂತರದಲ್ಲಿರುವ ಕಂಬದೂರಿನಿಂದ ಬೆಂಗಳೂರಿನ ಜಿಗಣಿಗೆ 10 ಲಾರಿಗಳು ಸಂಚರಿಸುತ್ತಿದ್ದು, ಪ್ರತಿ ಲಾರಿಯಲ್ಲೂ 30 ಟನ್ಗೂ ಹೆಚ್ಚು ಭಾರವಿರುವ ಕಲ್ಲು ಬಂಡೆಗಳನ್ನು ತೆರೆದ ವಾಹನಗಳಲ್ಲಿ ತುಂಬಿಕೊಂಡು ರಾತ್ರಿ ಹಾಗೂ ಹಗಲು ಸಮಯದಲ್ಲಿ ಪಾವಗಡದ ಮಾರ್ಗದಲ್ಲಿ ಸಂಚರಿಸಲಾಗುತ್ತಿದೆ. ಬಂಡೆ ಸಾಗಿಸುತ್ತಿರುವವರನ್ನು ಸಾರ್ವಜನಿಕರು ಕೇಳಿದರೆ ದೌರ್ಜನ್ಯ ಎಸಗುತ್ತಿದ್ದಾರೆ ಎಂದು ದೊಡ್ಡಹಳ್ಳಿ ಹಾಗೂ ಕೆ.ರಾಂಪುರ ಗ್ರಾಮಸ್ಥರಾದ ಗೋಪಿನಾಥ್, ರಾಜು, ಪರಮೇಶ್, ವೀರೇಶ್,ರಾಮಾಂಜಿನಪ್ಪ, ರಮೇಶ್ ಆರೋಪಿಸಿದ್ದಾರೆ.
