ಮಕ್ಕಳು ಆಟವಾಡುತ್ತಾ ಕಲಿಯುವ ದಿನದರ್ಶಿಕೆ, ಅಕ್ಷರ ರೈಲು, ಉಚ್ಚಾರಣೆ ಸುಧಾರಣೆಗೆ ನಾಲಿಗೆ ನುಲಿ ಗಿಣಿ, ಇಂಗ್ಲಿಷ್ ಅಕ್ಷರ ಅರಿವು ಮಾಡುವ ಗಿಟಾರ್, ವಿರುದ್ಧ ಪದ ತಿಳಿಸುವ ಗುಬ್ಬಿ, ಸಮಾನಾರ್ಥ ಪದಗಳ ಮನವರಿಕೆ ಮಾಡುವ ಪೈನಾಪಲ್, ರೈಮ್ಸ್ ಹೇಳುವ ಬಾತುಕೋಳಿ, ಬಣ್ಣಗಳ ಪರಿಚಯಿಸುವ ಕಾಮನ ಬಿಲ್ಲು, ಸಮಯದ ಅರಿವು ಮೂಡಿಸುವ ಹಳ್ಳಿ ಗಡಿಯಾರ, ವರ್ಣ ಮಾಲೆ ಪರಿಚಯಿಸುವ ಅಕ್ಷರ ತೋರಣ... ಹೀಗೆ ಬರೆಯುವ, ಓದುವ, ಚಟುವಟಿಕೆ ಮಾಡಿ ತಿಳಿಯುವ ಹಲವಾರು ಶೈಕ್ಷಣಿಕ ಮಾದರಿಗಳು ಶಾಲೆಯಲ್ಲಿವೆ. ಪ್ರಸ್ತುತ ಶಾಲೆಯಲ್ಲಿ 1ರಿಂದ 7ನೇ ತರಗತಿವರೆಗೆ 111 ವಿದ್ಯಾರ್ಥಿಗಳು ಕಲಿಯುತ್ತಿದ್ದಾರೆ. 1ನೇ ತರಗತಿಗೆ 13 ವಿದ್ಯಾರ್ಥಿಗಳು ಸೇರ್ಪಡೆಗೊಂಡಿದ್ದಾರೆ.
