ಸಕಲಕ್ಕೂ ಮಧ್ವ ತತ್ವವೇ ಆಧಾರ...

ಸುಗುಣೇಂದ್ರ ತೀರ್ಥ ಶ್ರೀಪಾದರ ಆಶೀರ್ವಚನ

ಜನ್ಮನಕ್ಷತ್ರೋತ್ಸವ, ಅಂಚೆ ಚೀಟಿ ಬಿಡುಗಡೆ ಕಾರ್ಯಕ್ರಮ

ವಿಜಯವಾಣಿ ಸುದ್ದಿಜಾಲ ಉಡುಪಿ

ದ್ವಾರಕೆಯಲ್ಲಿ ಸಕಲ ಅಷ್ಟೈಶ್ವರ್ಯ ಇದ್ದರೂ ಸಹ ಶ್ರೀಕೃಷ್ಣನು ಮಧ್ವಾಚಾರ್ಯರ ಭಕ್ತಿ ಸಿದ್ಧಾಂತಕ್ಕೆ ಮೆಚ್ಚಿ ಉಡುಪಿಯಲ್ಲಿ ಬಂದು ನೆಲೆಸಿದನು. ಅಂತಹ ಮಧ್ವರ ಸ್ಮರಣಾರ್ಥ ಅಂಚೆ ಚೀಟಿ ಬಿಡುಗಡೆ ಮಾಡುತ್ತಿರುವುದು ಉಡುಪಿ ಕೃಷ್ಣನಿಗೂ ಪ್ರಿಯವಾದ ಕಾರ್ಯವಾಗಿದೆ. ಜಗತ್ತಿನಲ್ಲಿ ಪ್ರತಿ ವಸ್ತುವೂ ವಿಭಿನ್ನ ಎಂಬ ಮಧ್ವರ ತತ್ವ ಇಂದಿಗೂ ಸ್ಪಷ್ಟ. ಸಕಲಕ್ಕೂ ಮಧ್ವ ತತ್ವವೇ ಆಧಾರ ಎಂಬುದು ಸಾಬೀತಾಗುತ್ತಿದೆ. ಮಧ್ವ ತತ್ವವು ಎಡ-ಬಲ ಸಿದ್ಧಾಂತವಲ್ಲ. ಅದು ನಡು ಸಿದ್ಧಾಂತ ಅಥವಾ ನಡು ಪಂಥವಾಗಿದೆ ಎಂದು ಪರ್ಯಾಯ ಪುತ್ತಿಗೆ ಮಠದ ಸುಗುಣೇಂದ್ರ ತೀರ್ಥ ಶ್ರೀಪಾದರು ನುಡಿದರು.

ಮಕ್ಕಳಿಗೆ ಸಂಸ್ಕಾರ ನೀಡಿ

ಅಂಚೆ ಚೀಟಿ ಬಿಡುಗಡೆ

ಪರ್ಯಾಯ ಪುತ್ತಿಗೆ ಮಠದ ಕಿರಿಯ ಯತಿ ಸುಶ್ರೀಂದ್ರ ಶ್ರೀ ಸಾನ್ನಿಧ್ಯ ವಹಿಸಿದ್ದರು. ಮಾಹೆ ಸಹಕುಲಾಧಿಪತಿ ಡಾ. ಎಚ್​.ಎಸ್​. ಬಲ್ಲಾಳ, ಸಂಸದ ಕೋಟ ಶ್ರೀನಿವಾಸ ಪೂಜಾರಿ, ಶಾಸಕರಾದ ಯಶ್​ಪಾಲ್​ ಸುವರ್ಣ, ಗುರ್ಮೆ ಸುರೇಶ ಶೆಟ್ಟಿ, ಮಹಾಂತೇಶ್​ ಆರ್​. ಚರಂತಿಮಠ, ಪೊಲೀಸ್​ ಇಲಾಖೆಯ ಹಿರಿಯ ಅಧಿಕಾರಿ ಸುಜೇಂದ್ರ, ಜಿಲ್ಲಾಧಿಕಾರಿ ಸ್ವರೂಪಾ ಟಿ.ಕೆ., ದೆಹಲಿಯ ಕೇಂದ್ರೀಯ ಸಂಸ್ಕೃತ ವಿವಿಯ ಕುಲಪತಿ ಶ್ರೀನಿವಾಸ ವರ್ಖೇಡಿ ಉಪಸ್ಥಿತರಿದ್ದರು.

ಆರಂಭದಲ್ಲಿ ರಾಷ್ಟ್ರಗೀತೆ ಹಾಗೂ ಪುತ್ತಿಗೆ ವಿದ್ಯಾಸ್ಕೃಠದ ವಿದ್ಯಾರ್ಥಿಗಳು ವೇದಘೋಷ ಹೇಳಿದರು. ಮಾಹೆಯ ಪ್ರೊ. ವೈಸ್​ ಚಾನ್ಸಲರ್​ ಡಾ. ಕೆ.ಶರತ್​ ರಾವ್​ ಸ್ವಾಗತಿಸಿದರು. ಪುತ್ತಿಗೆ ಮಠದ ವಿದ್ವಾಂಸ ಡಾ. ಬಿ.ಗೋಪಾಲ ಆಚಾರ್ಯ ಹಾಗೂ ಪೂರ್ಣಿಮಾ ಜೆ. ಕೊಡವೂರು ಕಾರ್ಯಕ್ರಮ ನಿರೂಪಿಸಿದರು.

ನನ್ನಿಂದ ತಪ್ಪು ನುಡಿಸದಿರು ಕೃಷ್ಣ

ಪುತ್ತಿಗೆ ಶ್ರೀಗಳಿಗೆ ಗೌರವ ಡಾಕ್ಟರೇಟ್​ ಪ್ರದಾನ

ಧಾರ್ಮಿಕ ಕ್ಷೇತ್ರದಲ್ಲಿ ಅಪಾರವಾದ ಸೇವಾ ಕೈಂಕರ್ಯ ಕೈಗೊಂಡ ಹಿನ್ನೆಲೆಯಲ್ಲಿ ಪುತ್ತಿಗೆ ಸುಗುಣೆಂದ್ರ ಶ್ರೀಗಳಿಗೆ ಆಫ್ರಿಕಾದ ಮೈಲ್ಸ್​ ಲೀಡರ್​ ಶಿಪ್​ ಯೂನಿವರ್ಸಿಟಿ ವತಿಯಿಂದ ಗೌರವ ಡಾಕ್ಟರೇಟ್​ ಪ್ರಶಸ್ತಿ ಪ್ರದಾನ ಮಾಡಲಾಯಿತು. ಆಫ್ರಿಕಾ ಕುಲಪತಿ ಡಾ. ಕೆ. ರವಿ ಆಚಾರ್ಯ ಮಾತನಾಡಿ, ಪ್ರಶಸ್ತಿ ಪ್ರದಾನ ಮಾಡುತ್ತಿರುವ ಕಾರಣ ಕುರಿತು ಮಾಹಿತಿ ನೀಡಿದರು.