ನಾಡಿನಲ್ಲಿ ಪುನೀತ್ ಹೆಸರು ಎಂದಿಗೂ ಅಮರ

ಬಾಳೆಹೊನ್ನೂರು: ಕನ್ನಡ ನಾಡಿನಲ್ಲಿ ನಟ ಪುನೀತ್ ರಾಜ್‌ಕುಮಾರ್ ಹೆಸರು ಎಂದಿಗೂ ಅಮರವಾಗಿರಲಿದೆ. ಎಂದು ಎನ್.ಆರ್.ಪುರ ತಾಲೂಕು ಚುಸಾಪ ಅಧ್ಯಕ್ಷ ಚೈತನ್ಯ ವೆಂಕಿ ಹೇಳಿದರು.

ಪಟ್ಟಣದ ಕೊಪ್ಪ ರಸ್ತೆಯ ಶುಭವೀರ ಸರ್ವೀಸ್ ಸ್ಟೇಷನ್‌ನಲ್ಲಿ ಮಲೆನಾಡಿನ ಒಳ್ಳೆಯ ಮನಸ್ಸುಗಳ ಒಕ್ಕೂಟ ಆಯೋಜಿಸಿದ್ದ ನಟ ಪುನೀತ್ ರಾಜ್‌ಕುಮಾರ್ ಅವರ ಮೂರನೇ ವರ್ಷದ ಪುಣ್ಯಸ್ಮರಣೆಯಲ್ಲಿ ಮಾತನಾಡಿದರು.

ರಾಜ್ಯದ ಇತಿಹಾಸದಲ್ಲಿಯೇ ಕೋಟ್ಯಂತರ ಅಭಿಮಾನಿಗಳನ್ನು ಹೊಂದಿರುವ ಪುನೀತ್ ಅವರು ವಿಶೇಷ ಪ್ರತಿಭೆಯಾಗಿದ್ದಾರೆ. ಅವರು ಕೇವಲ ನಟರಾಗದೇ ಸಮಾಜಮುಖಿ ಕಾರ್ಯಗಳ ಮೂಲಕ ತಮ್ಮನ್ನು ತಾವು ಸಕ್ರಿಯವಾಗಿ ತೊಡಗಿಸಿಕೊಂಡು ತಮ್ಮ ಕುಟುಂಬದ ಸೇವಾ ಮನೋಭಾವನೆ ಮುಂದುವರಿಸಿದ್ದಾರೆ. ಈ ಮೂಲಕ ತಮ್ಮ ಮೇರು ವ್ಯಕ್ತಿತ್ವವನ್ನು ಬೆಳೆಸಿಕೊಂಡು ಪ್ರತಿಯೊಬ್ಬ ಮನದಲ್ಲೂ ಸದಾ ಹಚ್ಚ ಹಸುರಾಗಿ ಉಳಿದಿದ್ದಾರೆ ಎಂದರು.

ತಾಲೂಕು ಕಸಾಪ ಪ್ರಧಾನ ಕಾರ್ಯದರ್ಶಿ ಸತೀಶ್ ಅರಳೀಕೊಪ್ಪ, ಜೇಸಿಐ ಅಧ್ಯಕ್ಷ ಎನ್.ಶಶಿಧರ್, ತಾಲೂಕು ಪತ್ರಕರ್ತರ ಸಂಘದ ಕಾರ್ಯದರ್ಶಿ ಬಿ.ಎಸ್.ನಾಗರಾಜ್‌ಭಟ್, ಪ್ರೌಢಶಾಲಾ ಶಿಕ್ಷಕರಾದ ಸಂಘದ ಅಧ್ಯಕ್ಷ ಕೆ.ಎಂ.ರಾಘವೇಂದ್ರ, ಉಪನ್ಯಾಸಕ ಸೋಮೇಶ್‌ಗೌಡ, ಪ್ರಕಾಶ್ ಮುದುಗುಣಿ, ಕೆ.ಪ್ರಸಾದ್, ಸತೀಶ್ ಕಾಮತ್, ರಾಜೇಶ್ ಬನ್ನೂರು, ರಿಚರ್ಡ್ ಮಥಾಯಿಸ್, ಸನತ್ ಶೆಟ್ಟಿ, ಹುಸೇನ್, ಚಂದ್ರಶೇಖರ್ ಬಾಬ್ಲಿ, ಸಾರ್ಥಕ್, ಮಿಷಾ, ಮಿಶಿಕಾ ಮತ್ತಿತರರು ಹಾಜರಿದ್ದರು.