ಆದರೆ, ಸಚಿನ್ ಅವರ ದೇಹ ಚಿಕಿತ್ಸೆಗೆ ಸ್ಪಂದಿಸದೆ ಅವರ ಮಿದುಳು ಸೋಮವಾರ ರಾತ್ರಿ ನಿಷ್ಕ್ರೀಯಗೊಂಡಿತು. ನಂತರ ಕುಟುಂಬ ವರ್ಗದವರಿಗೆ ಅಂಗಾಂಗ ದಾನದ ಕುರಿತು ವೈದ್ಯರು ತಿಳುವಳಿಕೆ ನೀಡಿದರು. ಅಲ್ಲದೆ, ಸಚಿನ್ ನೇತ್ರದಾನಕ್ಕೆ ಹಲವು ತಿಂಗಳ ಹಿಂದೆ ಸಹಿ ಮಾಡಿದ್ದರು. ಹೀಗಾಗಿ ಕುಟುಂಬ ವರ್ಗದವರು ಅಂಗಾಂಗ ದಾನಕ್ಕೆ ಒಪ್ಪಿಗೆ ಸೂಚಿಸಿದರು. ಸಚಿನ್ ದೇಹದಿಂದ ಎರಡು ನೇತ್ರ, ಹೃದಯ, ಕಿಡ್ನಿಯನ್ನು ಪಡೆಯಲಾಗಿದೆ. ಕೆ.ಆರ್.ಪೇಟೆ ತಾಲೂಕಿನ ತಂಡೆಕೆರೆ ಬಳಿಯ ಕೈಗಾರಿಕಾ ಪ್ರದೇಶದಲ್ಲಿ ಸಚಿನ್ ಲೇಬರ್ ಕಾಂಟ್ರಾೃಕ್ಟ್ ಮಾಲೀಕರಾಗಿ ಕಾರ್ಯನಿರ್ವಹಿಸುತ್ತಿದ್ದರು. ಕೈಗಾರಿಕಾ ಪ್ರದೇಶದಲ್ಲಿ 200ಕ್ಕೂ ಹೆಚ್ಚು ಜನರಿಗೆ ಇವರು ಕೆಲಸ ಕೊಡಿಸಿದ್ದಾರೆ.
