ಗೌರಿಬಿದನೂರು ನಗರದಲ್ಲಿನ ಹಾಸ್ಟೆಲ್ ಭವ್ಯ ಭಾಯಿ ಉಳಿದುಕೊಂಡಿದ್ದಳು. ಇದರ ನಡುವೆ ಶುಕ್ರವಾರ ಕಾಲೇಜಿನಿಂದ ಹಾಸ್ಟೆಲ್ ಹೋಗುತ್ತಿದ್ದ ಸಂದರ್ಭದಲ್ಲಿ ಜತೆಯಲ್ಲಿದ್ದ ಸ್ನೇಹಿತೆ ಶಶಿಕಲಾಗೆ ಹೊಟ್ಟೆ ನೋವು ಕಾಣಿಸಿಕೊಂಡಿದೆ. ಇದರಿಂದ ಸಮಾಧಾನಪಡಿಸಿ, ಒಂದೆಡೆ ಕುಳ್ಳರಿಸಿ ಜ್ಯೂಸ್ ತರಲು ಭವ್ಯ ಸಮೀಪದ ಅಂಗಡಿಗೆ ಹೋಗಿದ್ದಾಳೆ. ಇದೇ ವೇಳೆ ಒಂದು ಲೈನಿನಲ್ಲಿ ಗೂಡ್ಸ್ ರೈಲು ನಿಂತಿದೆ. ಇನ್ನೊಂದು ಲೈನಿನಲ್ಲಿ ಬೇರೆ ರೈಲು ಆಗಮಿಸಿದೆ. ಇದನ್ನು ಭವ್ಯ ಗಮನಿಸಿಲ್ಲ. ಅವಸರದಲ್ಲಿ ರೈಲನ್ನು ನೋಡದೇ ಹಳಿ ದಾಟಲು ಪ್ರಯತ್ನಿಸಿದ್ದಾಳೆ. ಆಗ ವೇಗವಾಗಿ ಬಂದ ರೈಲು ಡಿಕ್ಕಿ ಹೊಡೆದಿದ್ದು ಆಕೆ ಸ್ಥಳದಲ್ಲೇ ಮೃತಪಟ್ಟಿದ್ದಾಳೆ.ಸ್ಥಳಕ್ಕೆ ರೈಲ್ವೆ ಪೊಲೀಸರು ಭೇಟಿ ನೀಡಿ, ಪರಿಶೀಲಿಸಿದ್ದು ಮೃತದೇಹವನ್ನು ಸ್ಥಳೀಯ ಆಸ್ಪತ್ರೆಗೆ ರವಾನಿಸಿ, ಮರಣೋತ್ತೋರ ಪರೀಕ್ಷೆಗೆ ಕ್ರಮ ಕೈಗೊಂಡಿದ್ದಾರೆ. ಗೌರಿಬಿದನೂರು ನಗರ ರೈಲ್ವೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
