ಪಟ್ಟಣದಲ್ಲಿ ಅಂಚೆ ಕಚೇರಿ ಮತ್ತು ಕೆವಿಜಿ ಬ್ಯಾಂಕ್ನವರಿಗೆ ಮಾತ್ರ ಆಧಾರ್ ಕಾರ್ಡ್ ನೀಡುವ ಅಧಿಕಾರ ನೀಡಲಾಗಿದೆ. ಲಕ್ಷೆ್ಮೕಶ್ವರ ಪಟ್ಟಣ ಹಾಗೂ ಸುತ್ತಲಿನ ಗ್ರಾಮದಿಂದ ನೂರಾರು ಜನರು ಬಂದರೂ ಅಂಚೆ ಕಚೇರಿ ಮತ್ತು ಬ್ಯಾಂಕ್ನವರು ತಮ್ಮ ಕೆಲಸದ ಅವಧಿಯ ನಂತರ ದಿನಕ್ಕೆ 10-15 ಜನರಿಗೆ ಮಾತ್ರ ಕಾರ್ಡ್ ನೀಡುತ್ತಾರೆ. ಹೀಗಾಗಿ ಹಣ, ಸಮಯ ವ್ಯಯಿಸಿಕೊಂಡು ದೂರದಿಂದ ಬರುವ ಜನರು ಹೈರಾಣಾಗುವಂತಾಗಿದೆ. ಜೊತೆಗೆ ದಿನದಿಂದ ದಿನಕ್ಕೆ ಸರದಿ ಸಾಲು ಹೆಚ್ಚುತ್ತಲೇ ಸಾಗಿದೆ. ಆಧಾರ್ ಕಾರ್ಡ್ ಪಡೆಯಲು ಮೊದಲೇ ಹೆಸರು ನೋಂದಾಯಿಸಿ ಕೂಪನ್ ಪಡೆಯಬೇಕು. ಈಗಾಗಲೇ ಅಂಚೆ ಕಚೇರಿ, ಬ್ಯಾಂಕ್ ಮತ್ತು ಆಧಾರ್ ಕೇಂದ್ರದಲ್ಲಿ ಮೂರ್ನಾಲ್ಕು ತಿಂಗಳು ಮೊದಲೇ ಕೂಪನ್ ಪಡೆದಿದ್ದಾರೆ. ಹೀಗಾಗಿ ಹೊಸದಾಗಿ ಬರುವವರು ನಿರಾಸೆಯಿಂದ ಮರಳುವಂತಾಗಿದೆ.
