ನಗರದ ಹಳೆಯ ಪ್ರದೇಶಗಳಲ್ಲಿ ವಾಣಿಜ್ಯ ಚಟುವಟಿಕೆ ಹೆಚ್ಚಾಗುತ್ತಿದೆ. ಇದರಿಂದ ಕಸ ಉತ್ಪಾದನೆಯೂ ಅಧಿಕಗೊಳ್ಳುತ್ತಿದೆ. ಉತ್ಪತ್ತಿಯಾದ ತ್ಯಾಜ್ಯವನ್ನು ಕಾಲಮಿತಿಯೊಳಗೆ ವಿಲೇವಾರಿ ಮಾಡಲು ಸಾಧ್ಯವಾಗುತ್ತಿಲ್ಲ. ಹಬ್ಬಹರಿದಿನ, ರಜಾದಿನಗಳಂದು ಪೌರಕಾರ್ಮಿಕರ ಸಂಖ್ಯೆ ಕಡಿಮೆಯಿರುವ ಕಾರಣ ವಿಲೇವಾರಿ ಹಳಿ ತಪ್ಪುತ್ತಿದೆ. ಹೆಚ್ಚುವರಿ ಸಿಬ್ಬಂದಿ ನಿಯೋಜಿಸಿ ಅವರಿಂದ ತ್ಯಾಜ್ಯ ವಿಲೇವಾರಿ ಮಾಡಿಸಲು ಹೆಚ್ಚಿನ ಹಣ ವ್ಯಯವಾಗಲಿದೆ. ಇದನ್ನು ವಾಣಿಜ್ಯ ಕಟ್ಟಡಗಳ ಮಾಲೀಕರಿಂದ ವಸೂಲು ಮಾಡುವುದು ಪಾಲಿಕೆಯ ಆಲೋಚನೆಯಾಗಿದೆ. ನಿತ್ಯ ಕೆಜಿವರೆಗೆ ತ್ಯಾಜ್ಯ ಉತ್ಪಾದಿಸುವ ಕಟ್ಟಡಗಳಿಂದ ಮಾಸಿಕ 500 ರೂ. ವಸೂಲು ಮಾಡಲಾಗುತ್ತದೆ. 10 ಕೆಜಿ ವರೆಗಿನ ತ್ಯಾಜ್ಯ ಉತ್ಪಾದನೆಗೆ 1,400 ರೂ. ನಿಗದಿಗೊಳಿಸಲು ಪಾಲಿಕೆ ಮುಂದಾಗಿದೆ. ಈ ರೀತಿ ಕಸ ಉತ್ಪಾದನೆ ಆಧರಿಸಿ ಬಳಕೆದಾರರ ಶುಲ್ಕ ನಿಗದಿ ಮಾಡಿದರೆ ಬೃಹತ್ ಹಾಗೂ ಬಲ್ಕ್ ಉತ್ಪಾದಕರು ಪ್ರತೀ ತಿಂಗಳೂ ಸಾವಿರಾರು ರೂ. ತೆರಬೇಕಾಗುತ್ತಿದೆ. ಇದು ಹೊರೆಯಾಗಲಿರುವ ಕಾರಣ ಕಸ ವಿಲೇವಾರಿಯನ್ನು ವೈಜ್ಞಾನಿಕವಾಗಿ ಕೈಗೊಳ್ಳಬೇಕಿದೆ ಎಂದು ವ್ಯಾಪಾರಿಗಳು ಪಾಲಿಕೆಯನ್ನು ಒತ್ತಾಯಿಸಿದೆ.
