ಭೂಪರಿಹಾರ ಸಂಬಂಧ ಬಿಡಿಎ ಯೋಜನೆಗೆ ಜಮೀನು ಬಿಟ್ಟುಕೊಡಲಿರುವ ಹಳ್ಳಿಗಳಿಗೆ ತೆರಳಿ ರೈತರನ್ನು ಮನವೋಲಿಸಲು ಸಂಧಾನ ಸಭೆ ಆಯೋಜಿಸುತ್ತಿದೆ. ಹಳೆಯ ಹಾಗೂ ಹೊಸ ಕಾಯ್ದೆ ಬದಲು ರೈತರಿಗೆ ಒಪ್ಪಿಕೊಳ್ಳಬಹುದಾದ ಮೊತ್ತವನ್ನು ವಿತರಿಸುವ ವಾಗ್ದಾನ ನೀಡುತ್ತಿದೆ. ಇಂತಹ ಸಭೆಗಳು ಕಳೆದೊಂದು ವಾರದಿಂದ ಹುಸ್ಕೂರು, ಕೋಗಿಲು, ಸೂಲಿಕುಂಟೆ, ಮಾದನಾಯಕನಹಳ್ಳಿ ನಡೆದಿದೆ. ಆದರೆ, ಆ ಸಭೆಗಳಲ್ಲಿ ಪ್ರಾಧಿಕಾರದ ಅಧಿಕಾರಿಗಳ ಸಲಹೆಯನ್ನು ರೈತರು ಒಪ್ಪಿಲ್ಲ. ಶನಿವಾರ (ಡಿ.21) ಯಲಹಂಕ ಬಳಿಯ ಮಾವಳ್ಳಿಪುರದಲ್ಲಿ ಸಭೆ ನಡೆಸಲು ಆಗಮಿಸಿದ್ದ ಅಧಿಕಾರಿಗಳ ಸಭೆಗೆ ಯಾವೊಬ್ಬ ರೈತರು ಹಾಜರಾಗಿಲ್ಲ. ಬದಲಾಗಿ ಮುಂದಿನ ಎಲ್ಲ ಸಭೆಗಳನ್ನು ಬಹಿಷ್ಕರಿಸಿ ಸಂಪುಟದಲ್ಲಿ ಒಪ್ಪಿರುವ ಭೂಪರಿಹಾರ ಸೂತ್ರವನ್ನು ಜಾರಿ ಮಾಡುವಂತೆ ಒತ್ತಾಯಿಸಿದ್ದಾರೆ.
