ವಿಜಯವಾಣಿ ಸುದ್ದಿಜಾಲ ಧಾರವಾಡ
ಧಾರವಾಡ ಫೋಟೊ ಮತ್ತು ವಿಡಿಯೋಗ್ರಾಫರ್ಸ್ ಸಂಘದ ವತಿಯಿಂದ ವಿಶ್ವ ಛಾಯಾಗ್ರಹಣ ದಿನವನ್ನು ಆ. 21ರಂದು ಇಲ್ಲಿನ ಆಲೂರು ವೆಂಕಟರಾವ್ ಸಭಾಭವನದಲ್ಲಿ ಬೆಳಗ್ಗೆ 9.30ಕ್ಕೆ ಏರ್ಪಡಿಸಲಾಗಿದೆ ಎಂದು ಸಂಜಿಘದ ಅಧ್ಯಕ್ಷ ರಾಹುಲ್ ದತ್ತಪ್ರಸಾದ ಹೇಳಿದರು.
ನಗರದಲ್ಲಿ ಸೋಮವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ರಂಗಾಯಣ ನಿರ್ದೇಶಕ ರಾಜು ತಾಳಿಕೋಟಿ ಕಾರ್ಯಕ್ರಮ ಉದ್ಘಾಟಿಸುವರು. ಅತಿಥಿಗಳಾಗಿ ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆ ಸಹಾಯಕ ನಿರ್ದೇಶಕ ಮಂಜುನಾಥ ಸುಳ್ಳೊಳ್ಳಿ, ಪೃಥ್ವಿರಾಜ್ ಮಿಸ್ಕಿನ್, ಮುರಳಿಧರ ಮಲಜಿ, ಶ್ರೀನಿವಾಸ ಮಲಜಿ ಆಗಮಿಸಲಿದ್ದಾರೆ ಎಂದರು.
ಸಂಸ್ಥೆ ವತಿಯಿಂದ ನೀಡುವ ಹೆಮ್ಮೆಯ ಧಾರವಾಡಿಗ-2024 ಪ್ರಶಸ್ತಿಗೆ ವಿಜಯವಾಣಿಯ ಛಾಯಾಗ್ರಾಹಕ ಶಿವಲಿಂಗಯ್ಯ ಪಾಟೀಲ, ಹಿರಿಯ ಛಾಯಾಗ್ರಾಹಕ ಮಿಲಿಂದ ಪಿಸೆ ಹಾಗೂ ಪತ್ರಕರ್ತ ಬಸವರಾಜ ಆನೆಗುಂದಿ ಭಾಜನರಾಗಿದ್ದಾರೆ. ಇದರ ಜತೆಗೆ ಅನುಭವಿ ಛಾಯಾಗ್ರಾಹಕರಿಗೆ ಸನ್ಮಾನಿಸಲಾಗುವುದು ಎಂದರು.
ರವಿ ಯಾಲಕ್ಕಿಶೆಟ್ಟರ್, ಪೃಥ್ವಿರಾಜ್ ಮಿಸ್ಕಿನ್, ಮುರಳಿ ಮಲಜಿ, ಉಮೇಶ ಚಿಕ್ಕೋಡಿ, ಮಿಥುನ ಜಮದಾಳಿ, ಇತರರು ಇದ್ದರು.
