ತೆಂಕನಿಡಿಯೂರಿನಲ್ಲಿ ಅಸಮರ್ಪಕ ಕಸ ನಿರ್ವಹಣೆ ವಿರುದ್ಧ ಪ್ರತಿಭಟನೆ

ಉಡುಪಿ: ತೆಂಕನಿಡಿಯೂರು ಗ್ರಾಮ ಪಂಚಾಯಿತಿ ಕಸದ ನಿರ್ವಹಣೆಯಲ್ಲಿ ವಿಲವಾಗಿದ್ದು, ಎಸ್​ ಎಲ್​ ಆರ್​ ಎಂ ಘಟಕದಲ್ಲಿ ಮೇಲ್ಮೈಯಲ್ಲಿ ಇಟ್ಟಿದ್ದ ಕಸವನ್ನು ಹೊಂಡ ತೋಡಿ ಹೂತು ಹಾಕಲಾಗಿದ್ದು, ಇದರಿಂದ ಸಮೀಪದಲ್ಲಿರುವ ಕೊಳ ಮತ್ತು ಬೋರ್​ವೆಲ್​ ನೀರು ಹಾಳಾಗುತ್ತಿದೆ. ಈ ಬಗ್ಗೆ ಗ್ರಾಪಂ ರ್ನಿಲಕ್ಷ$್ಯ ವಹಿಸುತ್ತಿದೆ ಎಂದುಆರೋಪಿಸಿ ಸ್ಥಳಿಯರು ಬುಧವಾರ ಗ್ರಾಮ ಪಂಚಾಯಿತಿ ಮುಂಭಾಗ ಪ್ರತಿಭಟನೆ ನಡೆಸಿದರು.

ಸ್ಥಳಿಯ ನಿವಾಸಿ ಸುಷ್ಮಿತಾ ಮಾತನಾಡಿ, ನಾಲ್ಕು ದಿನಗಳಿಂದ ಕುಡಿಯುವ ನೀರು ಮಾಲಿನ್ಯಗೊಂಡಿದೆ ಎಂದು ಪಂಚಾಯಿತಿಗೆ ತಿಳಿಸಿದ್ದೇವೆ. 50 ಲೋಡುಗಳಷ್ಟು ಕಸವನ್ನು ನೀರಿನ ಟ್ಯಾಂಕ್​ ಹತ್ತಿರ ಹೂತಿದ್ದಾರೆ. ಅದರಿಂದ ದುರ್ಗಂಧ ಬರುತ್ತದೆ. ಹೀಗಾಗಿ ಈ ಘಟಕವನ್ನು ಜನವಸತಿ ಇರುವ ಸ್ಥಳದಿಂದ ಬೇರೆಡೆಗೆ ಸ್ಥಳಾಂತರಿಸಬೇಕು. ಆದರೆ ನಮ್ಮ ಬೇಡಿಕೆಗೆ ಗ್ರಾಪಂ ಸ್ಪಂದಿಸುತ್ತಿಲ್ಲ ಎಂದು ಹೇಳಿದರು.

ತೆಂಕಾನಿದಿಯೂರಿನ ಎಸ್​ ಎಲ್​ ಆರ್​ ಎಂ ಘಟಕದಲ್ಲಿದ್ದ ಅಪಾಯಕಾರಿ ರಾಸಾಯನಿಕ ಮತ್ತು ಇತರ ಕಸವನ್ನು ನೆಲದಲ್ಲಿ ಮಣ್ಣಿನಿಂದ ಮುಚ್ಚಿ ಹಾಕಿದೆ. ಮಳೆಯ ಕಾಲದಲ್ಲಿ ಹರಿಯುವ ನೀರು ಹತ್ತಿರದ ನೀರಿನ ಮೂಲಗಳನ್ನು ಮಾಲಿನ್ಯಗೊಳಿಸುತ್ತಿದೆ. ಈ ನೀರನ್ನು ಕುಡಿಯುವುದರಿಂದ ಜನರು ಅನಾರೋಗ್ಯಕ್ಕೀಡಾಗುತ್ತಿದ್ದಾರೆ ಎಂದು ಆರೋಪಿಸಿದರು. ಸ್ಥಳಕ್ಕೆ ಆಗಮಿಸಿದ ತಾಪಂ ಇಒ ವಿಜಯಾ, ಸಮಸ್ಯೆಗೆ ಪರಿಹಾರ ನೀಡುವುದಾಗಿ ಭರವಸೆ ನೀಡಿದರು. ಪಂಚಾಯಿತಿ ಸದಸ್ಯರಾದ ವಿನೋದ್​ ಸುವರ್ಣ, ನಿಖಿತಾ ಸುರೇಶ್​, ಗೀತಾ ಶೆಟ್ಟಿ, ಮಾಲಿನಿ, ಅರುಣ್​ ಜತ್ತಣ್ಣ, ಸತೀಶ್​ ಪೂಜಾರಿ ಬೈಲಕೆರೆ, ಪ್ರಶಾಂತ್​ ಹೆಬ್ಬಾರ್​, ಪ್ರದಿಪ್​ ಶೆಟ್ಟಿ ಮೊದಲಾದವರು ಉಪಸ್ಥಿತರಿದ್ದರು.