ಪಾವೂರು ಗ್ರಾಮ ಪಂಚಾಯಿತಿ ಸಮೀಪ ಸ್ವಚ್ಛ ಸಂಕೀರ್ಣಕ್ಕೆ ತಾಗಿಕೊಂಡು ಎಕರೆಗಟ್ಟಲೆ ಖಾಲಿ ಜಮೀನು ಇದೆ. ಈ ಜಮೀನು ಸರ್ಕಾರಕ್ಕೆ ಸೇರಿದ್ದೆಂದು ಹೇಳಿ ಗುರುವಾರ ಬೆಳಗ್ಗೆಯೇ 30ರಷ್ಟು ಮಂದಿ ಟಾರ್ಪಾಲಿನ ಜೋಪಡಿ ಹಾಕಿ ಕುಳಿತರು. ಕಳೆದ 15ರಿಂದ 20 ವರ್ಷಗಳಲ್ಲಿ ಬಾಡಿಗೆ ಮನೆಯಲ್ಲೇ ವಾಸವಿದ್ದು, ಜಮೀನು ಇಲ್ಲದೆ ಮನೆ ನಿರ್ಮಾಣ ಅಸಾಧ್ಯವಾಗಿದೆ. ಪ್ರತಿದಿನದ ದುಡಿಮೆಯಿಂದ ಬದುಕುವ ನಾವು ದಿನದ ಖರ್ಚಿಗೂ ಸಂಕಷ್ಟಪಡುತ್ತಿದ್ದು, ಈ ನಡುವೆ ಮನೆ ಬಾಡಿಗೆ ಕಟ್ಟಲೂ ಪರದಾಡುತ್ತಿದ್ದೇವೆ. ಗ್ರಾಮದಲ್ಲಿ ಸಾಕಷ್ಟು ಸರ್ಕಾರಿ ಜಮೀನು ಇದ್ದರೂ ನೀಡದೆ ನಿರ್ಲಕ್ಷೃ ತಾಳಲಾಗಿದೆ. ಸ್ವಚ್ಛ ಸಂಕೀರ್ಣದ ಬಳಿ ಎಕರೆಗಟ್ಟಲೆ ಸರ್ಕಾರಿ ಜಮೀನಿದ್ದು ಅದರಲ್ಲಿ ಮನೆ ಕಟ್ಟಲು ಮೂರು ಸೆಂಟ್ಸ್ ಜಮೀನು ನೀಡಿ ಎಂದು ನಿವೇಶನರಹಿತರು ಆಗ್ರಹಿಸಿದರು.
