ತಾಲೂಕಿನ ಹುಲಿಹೊಂಡ ಗ್ರಾಮದ ಸನಿಹದ ಕಬ್ಬಿನ ಗದ್ದೆಯಲ್ಲಿ ಚಿರತೆಯೊಂದು ಮರಿಗಳನ್ನು ಹಾಕಿದ್ದು ಕಬ್ಬು ಕಟಾವ ಮಾಡಲು ಹೋದ ಕಾರ್ಮಿಕರ ಮೇಲೆ ದಾಳಿ ಮಾಡಲು ಯತ್ನಿಸಿದ ಪರಿಣಾಮ ರೈತರು ಕಬ್ಬು ಕಟಾವ ಮಾಡದೆ ಹಾಗೆ ಬಿಟ್ಟಿದ್ದರು. ಗುರುವಾರ ಬೆಳಗ್ಗೆ ಹತ್ತಕ್ಕೂ ಹೆಚ್ಚು ಅರಣ್ಯ ಇಲಾಖೆ ಸಿಬ್ಬಂದಿ ಚಿರತೆಯನ್ನು ಬಂಧಿಸಲು ಪಂಜರ, ಬಲೆ ಹಿಡಿದುಕೊಂಡು ಕಬ್ಬು ಕಟಾವ ಕಾರ್ಯ ಮಾಡಿಸಲಾಯಿತು. ಅಲ್ಲದೆ, ಎರಡು ಚಿರತೆ ಮರಿಗಳನ್ನು ರಕ್ಷಣೆ ಮಾಡಿ ಕಬ್ಬಿನ ಗದ್ದೆಯಲ್ಲಿಯೇ ಬಿಡಲಾಯಿತು. ತಾಯಿ ಚಿರತೆ ಬರುವುದೆಂದು ಸುತ್ತಲೂ ಪಟಾಕಿ ಹಾಗೂ ಡೊಳ್ಳು ಶಬ್ಧ ಮಾಡಿಸಲಾಯಿತು. ಆದರೆ, ತಾಯಿ ಚಿರತೆಯೂ ಬರಲಿಲ್ಲ. ಸದ್ಯ ಮರಿಗಳನ್ನು ಗದ್ದೆಯಲ್ಲಿ ರಕ್ಷಣೆ ಮಾಡಿ ಬಿಡಲಾಗಿದೆ.
