ಅಲ್ಲದೆ, ಅಲ್ಲಿ ಹವಾಮಾನ ಆಧಾರಿತ ಮಾಹಿತಿ ನೀಡಬಹುದಾದ ಸಲಕರಣೆಗಳನ್ನು ಅಲ್ಲಿ ಅಳವಡಿಸಲಾಗಿದೆ. ಈ ಸಿಎಸ್ಎನ್ ವ್ಯವಸ್ಥೆಯನ್ನು ಇಂಡಿಯನ್ ಕೋಸ್ಟ್ ಗಾರ್ಡ್ ನಿರ್ವಹಿಸುತ್ತಿದ್ದು, ಭಾರತೀಯ ನೌಕಾಸೇನೆ, ಸ್ಥಳೀಯ ಕರಾವಳಿ ಕಾವಲುಪಡೆ, ಬಂದರು ಮುಂತಾದ ಇಲಾಖೆಗಳ ಜತೆ ಮಾಹಿತಿ ಹಂಚಿಕೊಳ್ಳಲಿದೆ. ಇಲ್ಲಿ ಅಳವಡಿಸಲಾದ ಸಿಎಸ್ಎನ್ ಕ್ಯಾಮೆರಾಗಳ ಮೂಲಕ ಮುಂಬೈ ಅಥವಾ ನವದೆಹಲಿಯಲ್ಲಿ ಕುಳಿತು ಸಮುದ್ರದ ಕಾರ್ಯಚಟುವಟಿಕೆಗಳ ಮೇಲೆ ನಿಗಾ ಇಡಬಹುದು.
ಉತ್ತರ ಕನ್ನಡ ಜಿಲ್ಲೆಯ ಬೇಲೆಕೇರಿಯಲ್ಲಿ ರಡಾರ್ ಹಾಗೂ ಕೆಮೆರಾ ಅಳವಡಿಕೆ ಕಾರ್ಯ ಎರಡನೇ ಹಂತದಲ್ಲಿ ನಡೆಯುತ್ತಿದೆ. ಭಾರತ ಇಲೆಕ್ಟ್ರಾನಿಕ್ಸ್ ಲಿಮಿಟೆಡ್ ಟೆಂಡರ್ ಪಡೆದು ಕಾಮಗಾರಿ ನಡೆಸಿದ್ದು, ಕಾರ್ಯಾಚರಣೆ ಇನ್ನು ಮೂರು ತಿಂಗಳಲ್ಲಿ ಪ್ರಾರಂಭವಾಗುವ ನಿರೀಕ್ಷೆ ಇದೆ. ಇದು ಕರಾವಳಿ ಭದ್ರತೆಯಲ್ಲಿ ಬಹು ಮುಖ್ಯ ಪಾತ್ರ ವಹಿಸಲಿದೆ ಎಂದರು.
