ವಿಡಿಯೋದಲ್ಲಿ ಐವರು ವಿದ್ಯಾರ್ಥಿನಿಯರು ಹಾಗೂ ಇಬ್ಬರು ವಿದ್ಯಾರ್ಥಿಗಳು ವೀಕ್ಷಕರಿಗೆ ಅರ್ಜಿ ಸಲ್ಲಿಸಲು ತಮ್ಮ ಪ್ರೇರಣೆಯ ಮಾತುಗಳನ್ನಾಡಿದ್ದಾರೆ. ಹತ್ತನೇ ತರಗತಿ ವಿದ್ಯಾರ್ಥಿನಿಯರಾದ ಶಕೀಲಾ, ಅನ್ವಿತಾ, ವಿನಯಶ್ರೀ, ಅನುಶ್ರೀ, ನಿಖಿಲಾ, ವಿದ್ಯಾರ್ಥಿಗಳಾದ ಸಂತೋಷ ಕುಲಾಲ್, ಯಶವಂತ ಶೆಟ್ಟಿ ಸೇರಿದಂತೆ ಪಾಲ್ಗೊಂಡಿದ್ದಾರೆ. ಶಾಲೆಯಿಂದ ಒಟ್ಟು 60 ಮಕ್ಕಳು ಅರ್ಜಿ ಸಲ್ಲಿಸಿದ್ದಾರೆ.
ನಮ್ಮ ಶಾಲೆಯಿಂದ ಎಲ್ಲರ ಸಹಕಾರದೊಂದಿಗೆ ಪರೀಕ್ಷಾ - ಪೇ ಚರ್ಚಾ 2021 ಕಾರ್ಯಕ್ರಮಕ್ಕೆ ಅರ್ಜಿ ಸಲ್ಲಿಸಿದ್ದೇವೆ. ವಿದ್ಯಾರ್ಥಿಗಳು, ಶಿಕ್ಷಕರು ಹಾಗೂ ಪಾಲಕರಿಗೆ ಆನ್ಲೈನ್ ಅರ್ಜಿ ಸಲ್ಲಿಸಲು ರಾಷ್ಟ್ರ ಮಟ್ಟದಲ್ಲಿ ಪ್ರೋತ್ಸಾಹ ಹಾಗೂ ಪ್ರೇರಣೆ ನೀಡುವುದಕ್ಕಾಗಿ, ಪ್ರಮೋಶನಲ್ ವೀಡಿಯೋ ಮಾಡಲು ನಮ್ಮ ಶಾಲೆಗೆ ಅವಕಾಶ ದೊರೆತಿರುವುದು ಹೆಮ್ಮೆಯಾಗಿದೆ.
ಶೇಖರ್ ಶೆಟ್ಟಿಗಾರ್
ಮುಖ್ಯಶಿಕ್ಷಕರು, ಚಾರಮಕ್ಕಿ ನಾರಾಯಣ ಶೆಟ್ಟಿ ಸ್ಮಾರಕ ಸರ್ಕಾರಿ ಪ್ರೌಢ ಶಾಲೆ, ಅಲ್ಬಾಡಿ- ಆರ್ಡಿ
ಮಡಾಮಕ್ಕಿ ಸಮಿಪದ ಗ್ರಾಮೀಣ ಪ್ರದೇಶವಾದ ಪಶ್ಚಿಮ ಘಟ್ಟ ಪ್ರದೇಶದ ಕಾಡಿನಿಂದ ಅವೃತ್ತವಾದ ಅರೆಕಲ್ಲಾಣೆ ಎಂಬಲ್ಲಿ ನನ್ನ ಮನೆಯಿದೆ. ಮನೆಯಲ್ಲಿ ಕಂಪ್ಯೂಟರ್ ಸೌಲಭ್ಯಗಳಿಲ್ಲ. ಶಿಕ್ಷಕರ ಸಹಕಾರದೊಂದಿಗೆ ಅರ್ಜಿ ಸಲ್ಲಿಸಿದ್ದೇನೆ. ಪರೀಕ್ಷಾ ಪೇ ಚರ್ಚಾದಲ್ಲಿ ಪ್ರಧಾನ ಮಂತ್ರಿ ಜತೆ ಸಂವಾದ ನಡೆಸಲು ಉತ್ಸುಕಳಾಗಿದ್ದೇನೆ.
ಶಕೀಲಾ
10ನೇ ತರಗತಿಯ ವಿದ್ಯಾರ್ಥಿನಿ
