ಯಾವುದೇ ವಲಯ ಹಾಗೂ ಕಮಿಷನರೇಟ್ ಟಕಗಳಲ್ಲಿ ಜೇಷ್ಠತೆ ಅನುಸಾರ ಮುಂಬಡ್ತಿಗೆ ಅರ್ಹರಿರುವ ಎಎಸ್ಐಗಳು ಲಭ್ಯವಿದ್ದು, ಮುಂಬಡ್ತಿ ಹುದ್ದೆಗಳು ಲಭ್ಯವಿಲ್ಲದಿದ್ದಲ್ಲಿ ತೃಪ್ತಿಕರ ಸೇವೆಯನ್ನು ಪರಿಗಣಿಸಿ, ನೇರ ನೇಮಕಾತಿ ಹುದ್ದೆಗಳಿಗೆ ಎದುರಾಗಿ ಕರ್ನಾಟಕ ನಾಗರಿಕ ಸೇವಾ ನಿಯಮ 32ರ ಅನ್ವಯ ಸ್ವತಂತ್ರ ಪ್ರಭಾರ ಸಬ್ ಇನ್ಸ್ಪೆಕ್ಟರ್ ಹುದ್ದೆಯಲ್ಲಿರಿಸಲು ಅವಕಾಶ ಕಲ್ಪಿಸಲಾಗಿದೆ. ಸ್ವತಂತ್ರ ಪ್ರಭಾರ ಹುದ್ದೆಯೂ ತಾತ್ಕಾಲಿಕವಾಗಿರಲಿದೆ. ಯಾವುದೇ ಜೇಷ್ಠತೆ ಹಾಗೂ ಪೂರ್ವಾನ್ವಯವಾಗುವ ಮುಂಬಡ್ತಿ ಹಕ್ಕೊತ್ತಾಯ ಮಾಡುವಂತಿಲ್ಲ. ನೇರ ನೇಮಕಾತಿ ಅನ್ವಯ ಆಯ್ಕೆಯಾದ ಅಭ್ಯರ್ಥಿಗಳು ವರದಿ ಮಾಡಿಕೊಂಡ ಕೂಡಲೇ ಹುದ್ದೆ ಬಿಟ್ಟುಕೊಡಬೇಕು ಎಂದು ಲಿಖಿತ ಒಪ್ಪಿಗೆ ಪತ್ರ ಬರೆಸಿಕೊಳ್ಳುವಂತೆ ಪ್ರವಿಣ್ ಸೂದ್ ಆದೇಶಿಸಿದ್ದಾರೆ. ಹುದ್ದೆಯಾಧಾರಿತ ಮುಂಬಡ್ತಿ ಹಾಗೂ ಸ್ವತಂತ್ರ ಪ್ರಭಾರ ಹುದ್ದೆಯಲ್ಲಿರುವ ಪ್ರಕ್ರಿಯೆಯನ್ನೂ ಕೂಡಲೇ ಕೈಗೊಳ್ಳಬೇಕು. ಇದರ ಮಾಹಿತಿಯನ್ನು ಪ್ರಧಾನ ಕಚೇರಿಗೆ ಕಡ್ಡಾಯವಾಗಿ ವರದಿ ಸಲ್ಲಿಸಬೇಕು ಎಂದು ಡಿಜಿಪಿ ಆದೇಶದಲ್ಲಿ ಉಲ್ಲೇಖಿಸಿದ್ದಾರೆ.
