ಈ ಘಟಕದ ಕೂಗಳತೆಯ ಸಮೀಪದಲ್ಲಿಯೇ ಸರ್ಕಾರಿ ಪದವಿ ಕಾಲೇಜು, ಸರ್ಕಾರಿ ಪದವಿ ಪೂರ್ವ ಕಾಲೇಜು, ಸರ್ಕಾರಿ ಹೈಸ್ಕೂಲ್, ಬಾಲಾಜಿ ಶಾಲೆ, ಬಿಜಿಎಸ್ ಪದವಿಪೂರ್ವ ಕಾಲೇಜು, ಬಿಜಿಎಸ್ ಹೈಸ್ಕೂಲ್, ಕೆಂಪೇಗೌಡ ಸ್ಕೂಲ್ ಮತ್ತು ಕೆಂಪೇಗೌಡ ವೃತ್ತ ಇವೆ. ಇಲ್ಲಿ ವಿಷಾನಿಲದ ತೀವ್ರತೆ ಕಡಿಮೆ ಇರುವುದರಿಂದ ಅಷ್ಟಾಗಿ ಯಾರೂ ಗಮನ ಹರಿಸದೆ ನಿರ್ಲಕ್ಷ್ಯಿಸಿದ್ದಾರೆ ಎಂಬ ಆರೋಪವಿದೆ. ಮಾಲಿನ್ಯ ನಿಯಂತ್ರಣ ಮಂಡಳಿಯು ಒಂದೆರಡು ಏರ್ ಮಾನಿಟರ್ಗಳನ್ನು ಇಟ್ಟರೆ ಈ ಪ್ರದೇಶ ಯಾವ ಮಟ್ಟಿಗೆ ವಾಯುಮಾಲಿನ್ಯ ಹೊಂದಿದೆ ಎಂಬುದು ಸ್ಪಷ್ಟವಾದೀತು. ಶಾಲಾ-ಕಾಲೇಜುಗಳಲ್ಲಿ ಸುಮಾರು 10 ಸಾವಿರಕ್ಕೂ ಹೆಚ್ಚು ವಿದ್ಯಾರ್ಥಿಗಳು ವಿದ್ಯಾಭ್ಯಾಸ ಮಾಡುತ್ತಿದ್ದಾರೆ. ಇವರೂ ವಾಸನೆ ಕುಡಿಯುವಂತಾಗಿದೆ ಎಂಬುದು ವಿದ್ಯಾರ್ಥಿಗಳ ಆರೋಪವಾಗಿದೆ.
ಶಾಸಕರು, ತಹಸೀಲ್ದಾರ್, ತಾಲೂಕಿನ ಆರೋಗ್ಯಾಧಿಕಾರಿಗಳು, ಪುರಸಭೆ ಅಧಿಕಾರಿಗಳು ಈ ಘಟಕದ ಪರಿಸರಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಬೇಕಿದೆ. ಪುರಸಭೆ ಪಟ್ಟಣದಿಂದ ಹೊರಭಾಗದ ಜನವಸತಿಗಳಿಂದ ದೂರವಿರುವ ಸ್ಥಳವನ್ನು ಹುಡುಕಿ ಕೂಡಲೇ ಘಟಕ ಸ್ಥಳಾಂತರಿಸಿದರೆ ನಾಗರಿಕರಿಗೆ ಅನುಕೂಲವಾಗುತ್ತದೆ. ಇಲ್ಲದಿದ್ದರೆ ಪ್ರಾಣಕ್ಕೆ ಸಂಚಕಾರ ಗ್ಯಾರಂಟಿ.
