ಲೋ ವೋಲ್ಟೇಜ್ ಸಮಸ್ಯೆ: ಉಜಿರೆ ಪ್ರದೇಶಕ್ಕೆ 110 ಕೆ.ವಿ ಫೀಡರ್ ವ್ಯವಸ್ಥೆಗೆ ಈಗಲೇ ಜಾಗ ಕಾದಿರಿಸಬೇಕು ಎಂಬ ಅಹವಾಲು ವ್ಯಕ್ತವಾಯಿತು. ಸಮೀಪದ ಬೆಳಾಲಿನಲ್ಲಿ 110 ಕೆವಿ ಫೀಡರ್ ನಿರ್ಮಾಣದ ಕುರಿತ ಅಧಿಸೂಚನೆ ಪ್ರಕಟಗೊಳ್ಳಲು ಬಾಕಿ ಇದೆ ಎಂದು ಅಧಿಕಾರಿಗಳು ತಿಳಿಸಿದರು.
ಮಿತ್ತಬಾಗಿಲಿನ ಕೇಶವ ಫಡಕೆ ಮಾತನಾಡಿ, ಕಕ್ಕಿಂಜೆಯಿಂದ ಕುಕ್ಕಾವು ತನಕ ಪ್ರತ್ಯೇಕ ವಿದ್ಯುತ್ ಲೈನ್, ಬೆಳ್ತಂಗಡಿಯಲ್ಲಿ ಇನ್ನೊಂದು 33/11 ಕೆವಿ ಫೀಡರ್ ನಿರ್ಮಾಣವಾಗಬೇಕು ಎಂದು ಆಗ್ರಹಿಸಿದರು. ಲಾಯಿಲ ಗ್ರಾಪಂ ಸದಸ್ಯ ಪ್ರಸಾದ್ ಶೆಟ್ಟಿ ಏಣಿಂಜೆ ಮಾತನಾಡಿ, ಕುತ್ರೊಟ್ಟು, ಚಾಮುಂಡಿಕಲ್ಲು, ಹಂದೇವೂರು, ಪುದ್ದೊಟ್ಟು ಮೊದಲಾದ ಸ್ಥಳಗಳಲ್ಲಿ ಲೋ ವೋಲ್ಟೇಜ್ ಸಮಸ್ಯೆ ಇರುವುದಾಗಿ ತಿಳಿಸಿದರು.
ಬಂಟ್ವಾಳ ವಿಭಾಗದ ಇಇ ವೆಂಕಟೇಶ್, ಮಂಗಳೂರು ವಿಭಾಗದ ಮಂಜುನಾಥ್, ಬೆಳ್ತಂಗಡಿ ಮೆಸ್ಕಾಂ ಉಪ ವಿಭಾಗದ ಎಇಇ ಶಿವಶಂಕರ್, ಉಜಿರೆ ಉಪ ವಿಭಾಗದ ಕ್ಲೆಮೆಂಟ್ ಬೆಂಜಮಿನ್ ಬ್ರಾೃಗ್ಸ್ ಹಾಗೂ ವಿವಿಧ ಶಾಖೆಗಳ ಅಧಿಕಾರಿಗಳು ಉಪಸ್ಥಿತರಿದ್ದರು. ಕೊಯ್ಯೂರಿನ ಕೇಶವ ಪೂಜಾರಿ, ಬಂದಾರಿನ ಶ್ರೀಧರ ಗೌಡ, ಕೊಕ್ಕಡದ ಕುಶಾಲಪ್ಪ ಗೌಡ, ಜಯಾನಂದ ಕೊಯ್ಯೂರು ಮತ್ತಿತರರು ಬೇಡಿಕೆಗಳ ಬಗ್ಗೆ ಪ್ರಸ್ತಾಪಿಸಿದರು.
