ಪ್ರಯಾಣ ದರ ಹೆಚ್ಚಳ: ಈ ಮಧ್ಯೆ 2013ರ ಬಳಿಕ ಸರ್ಕಾರವು ಖಾಸಗಿ ಬಸ್ಗಳ ಪ್ರಯಾಣ ದರ ಪರಿಷ್ಕರಿಸಿದೆ. ಇದರಿಂದಾಗಿ ಖಾಸಗಿ ಮಜಲು ಬಸ್ಗಳ ಕನಿಷ್ಠ ಪ್ರಯಾಣ ದರ ಮೊದಲ ಹಂತಕ್ಕೆ (6.5 ಕಿ.ಮೀ) 9 ರೂಪಾಯಿ 50 ಪೈಸೆ, ನಂತರದ ಪ್ರತಿ ಕಿಲೋ ಮೀಟರ್ಗೆ 1 ರೂ., ದರ ನಿಗದಿಪಡಿಸಿದೆ. ಇನ್ನೂ ಎಕ್ಸ್ಪ್ರೆಸ್ ಸರ್ವೀಸ್ನಲ್ಲಿ ಮೊದಲ ಹಂತಕ್ಕೆ ಕನಿಷ್ಠ ಪ್ರಯಾಣ ದರ 10 ರೂ., ಮತ್ತು ನಂತರದ ಪ್ರತಿ ಕಿಲೋ ಮೀಟರ್ಗೆ 1 ರೂಪಾಯಿ 10ಪೈಸೆ ನಿಗದಿಗೊಳಿಸಿದೆ. ಶೇ.15 ಬಸ್ ಪ್ರಯಾಣ ದರ ಹೆಚ್ಚಳ ಹಿನ್ನೆಲೆಯಲ್ಲಿ ತುಮಕೂರು-ಪಾವಗಡಕ್ಕೆ 60 ರೂ., ಇದ್ದು ಹೊಸ ದರ 80 ರೂ., ಆಗಲಿದೆ. ತುಮಕೂರು-ಮಧುಗಿರಿಗೆ 30 ರೂ., ನಿಂದ 45 ರೂ., ತುಮಕೂರು-ಕುಣಿಗಲ್ಗೆ 25 ರೂ., ನಿಂದ 37 ರೂ., ಹೆಬ್ಬೂರಿಗೆ 15 ರೂ., ನಿಂದ 22 ರೂ.,ಗೆ ಕೊರಟಗೆರೆ 15 ರೂ., ನಿಂದ 22 ರೂ., ಹೆಚ್ಚಳ ಮಾಡಲಾಗಿದೆ. ತುಮಕೂರು-ಗೌರಿಬಿದನೂರು ನಡುವೆ 40 ರೂ., ನಿಂದ 50 ರೂ., ಹೆಚ್ಚಳ ಮಾಡಲಾಗಿದೆ. ಕರೊನಾ ಭೀತಿಯಿಂದ ಬಸ್ ಹತ್ತಲು ಜನ ಹಿಂಜರಿಯುತ್ತಿದ್ದು ಮಧುಗಿರಿಗೆ 45 ರೂ., ನಿಗದಿ ಮಾಡಿದ್ದರೂ 40 ರೂ., ಅನ್ನೇ ಪ್ರಯಾಣಿಕರಿಂದ ಪಡೆಯಲಾಗುತ್ತಿದೆ. ಕುಣಿಗಲ್ 37 ರೂ., ಬದಲು 33 ರೂ., ಅನ್ನು ಸದ್ಯ ದರ ನಿಗದಿಗೊಳಿಸಲಾಗಿದೆ. ಒಂದೆಡೆ ಡೀಸೆಲ್ ದರ ಹೆಚ್ಚಳ, ಇನ್ನೊಂದೆಡೆ ಕರೊನಾ ಭೀತಿಯಿಂದ ಸಾರ್ವಜನಿಕ, ಖಾಸಗಿ ವಾಹನಗಳತ್ತ ಜನ ಮುಖ ಮಾಡದೇ ಇರುವುದರಿಂದ ಖಾಸಗಿ ಬಸ್ ಮಾಲೀಕರು ನಷ್ಟ ಅನುಭವಿಸುವಂತಾಗಿದೆ.
