ಅರಮನೆಗೆ ಶಾಶ್ವತವಾಗಿ ದೀಪಾಲಂಕಾರ ಮಾಡಿದ್ದು, ಅಳವಡಿಸಿರುವ ವಿದ್ಯುತ್ ಬಲ್ಬ್ಗಳಲ್ಲಿ ಹಾಳಾಗಿದ್ದ 23 ಸಾವಿರ ಬಲ್ಬ್ಗಳನ್ನು ಬದಲಿಸುವ ಕಾರ್ಯ ಹಲವು ದಿನಗಳಿಂದ ನಡೆಯುತ್ತಿದೆ. ಅರಮನೆ ಸಿಬ್ಬಂದಿ ಒಳಗೊಂಡಂತೆ ಎಲೆಕ್ಟ್ರೀಷಿಯನ್ಗಳು ಎರಡು ವಾರಗಳಿಂದ ಕೆಲಸದಲ್ಲಿ ತೊಡಗಿದ್ದಾರೆ. ಇನ್ನೂ ಒಂದು ವಾರ ಕೆಲಸ ನಡೆಯಲಿದೆ.ಅರಮನೆಯ ಮುಖ್ಯಕಟ್ಟಡ, ಪ್ರವೇಶದ್ವಾರ, ವಿವಿಧ ಗೋಡೆಗಳ ಮೇಲೆ ಅಳವಡಿಸಿರುವುದೂ ಸೇರಿದಂತೆ ಒಟ್ಟು 1 ಲಕ್ಷ ಬಲ್ಬ್ಗಳ ಬೆಳಕು ಝಗಮಗಿಸಿ ಅರಮನೆಯ ಸೌಂದರ್ಯವನ್ನು ವೃದ್ಧಿಸುತ್ತದೆ. ಆದರೆ, ಪ್ರತಿದಿನ ಪಾರಿವಾಳಗಳು ಹಾರಾಡುವಾಗ, ಜೋರಾಗಿ ಗಾಳಿ ಬೀಸಿದಾಗ, ದೀಪಾಲಂಕಾರ ವೇಳೆ ಮಳೆ ಬಂದಾಗ ಕೆಲವು ಲೈಟ್ಗಳು ಸಿಡಿದುಹೋಗುತ್ತವೆ.
