ಮಕ್ಕಳ ತಜ್ಞ ಡಾ. ಬಿ.ಸಿ. ನವೀನ್ ಕುಮಾರ್ ಮಾತನಾಡಿ, ಪುಸ್ತಕಗಳನ್ನು ಕೊಡುಗೆಯಾಗಿ ಕೊಡುವ ಪದ್ಧತಿ ರೂಢಿ ಆಗಬೇಕು. ಮಕ್ಕಳಲ್ಲಿ ಪುಸ್ತಕ ಸಂಸ್ಕೃತಿ ಬೆಳೆಸಬೇಕು. ಓದುವ ಅಭ್ಯಾಸ ಅಳವಡಿಸಿಕೊಳ್ಳುವುದರಿಂದ ಬದುಕು ಪರಿಪೂರ್ಣ ಆಗುತ್ತದೆ. ಪುಸ್ತಕಗಳಿಗೆ ಇರುವ ಮಹತ್ವವನ್ನು ಮಕ್ಕಳಲ್ಲಿ ಎಳೆವೆಯಲ್ಲೇ ಹೇಳಿಕೊಡಬೇಕು. ಓದುವುದರಿಂದ ಮಗುವಿನಿಂದ ಹಿರಿಯರ ತನಕ ಸಾಕಷ್ಟು ಪ್ರಯೋಜನ ಇರುತ್ತದೆ. ಯಾವುದೇ ಕ್ಷೇತ್ರದಲ್ಲಿ ಇರುವವರು ಕ್ರಿಯಾಶೀಲ ಮತ್ತು ಸೃಜನಾತ್ಮಕರಾಗಿ ಇರಬೇಕಾದರೆ ಪುಸ್ತಕ ಓದಲೇಬೇಕು. ಸಾಮಾಜಿಕ, ಸಾಂಸ್ಕೃತಿಕ ಚಟುವಟಿಕೆಗಳಲ್ಲಿ ಹೆಚ್ಚು ಹೆಚ್ಚು ಪಾಲ್ಗೊಳ್ಳುವುದರಿಂದ ಬೌದ್ಧಿಕ ಸಾಮರ್ಥ್ಯ ಹೆಚ್ಚಾಗುತ್ತದೆ. ಪುಸ್ತಕಗಳು ಜೀವನದ ಅವಿಭಾಜ್ಯ ಅಂಗ ಆಗಬೇಕು. ಪುಸ್ತಕಗಳೇ ಉತ್ತಮ ಗೆಳೆಯರಾಗಿದ್ದು ಎಲ್ಲ ಮನೆಯಲ್ಲೂ ಪುಸ್ತಕ ಇಡಲು ವಿಶೇಷ ಜಾಗ ಕೊಡುವಂತಾಗಬೇಕು. ಕೊಡಗು ಜಿಲ್ಲೆಯ ಶಾಲೆಗಳಲ್ಲಿ ಓದುವ ಅಭ್ಯಾಸ ಹೆಚ್ಚಿಸುವ ಕೆಲಸ ಆಗಬೇಕು ಎಂದರು.
