ಹವಾಯಿ ಚಪ್ಪಲಿ, ಹಳೇ ಸೈಕಲ್, ತಲೆಗೊಂದು ಟೋಪಿ ಹಾಕಿಕೊಂಡು ಕೊಡಗಿನ ಮಳೆ-ಚಳಿಯಲ್ಲೂ ಬೆಳ್ಳಂಬೆಳಗ್ಗೆ 'ಪ್ರಕಾಶಣ್ಣ' ಪತ್ರಿಕೆ ಹಂಚಲು ಹೊರಟರೆಂದರೆ ಯುವಕರೇ ನಾಚುತ್ತಿದ್ದರು. ಇತ್ತೀಚೆಗೆ ಕಾಲಿಗೆ ಏಟು ಮಾಡಿಕೊಂಡಿದ್ದರೂ ವಾಕಿಂಗ್ ಸ್ಟಿಕ್ ಹಿಡಿದುಕೊಂಡೇ ಸಮೀಪದ ಚಂದಾದಾರರಿಗೆ ಪತ್ರಿಕೆ ತಲುಪಿಸುವುದು, ತಿಂಗಳ ಬಿಲ್ ವಸೂಲಿ ಮಾಡುವುದನ್ನು 'ಪ್ರಕಾಶಣ್ಣ' ಈಗಲೂ ಮುಂದುವರಿಸಿಕೊAಡು ಬಂದಿದ್ದಾರೆ. ಕುಶಾಲನಗರದ ಅಷ್ಟೂ ಮನೆಗಳ ವಿವÀರ, ಯಾವ್ಯಾವ ಮನೆಗೆ ಯಾವ್ಯಾವ ಪತ್ರಿಕೆ ಹಾಕಬೇಕು ಎನ್ನುವುದನ್ನು ಅವರ ಕೈಕೆಳಗಿನ ಹುಡುಗರಿಗಿಂತಲೂ ಚೆನ್ನಾಗಿ ಜ್ಞಾಪಕ ಇಟ್ಟುಕೊಂಡು, ಎಲ್ಲಾ ರೂಟ್ಗಳಿಗೂ ಪತ್ರಿಕೆಗಳನ್ನು ಬ್ಯಾಗ್ಗಳಿಗೆ ತುಂಬಿಕೊಡುತ್ತಾ 'ಚಳಿ ಆಗುತ್ತೆ ಟೋಪಿ ಹಾಕ್ಕೋಳ್ರೋ' ಎಂದು ಪ್ರೀತಿಯಿಂದ ಗದರಿ ಹುಡುಗರನ್ನು ಕಳುಹಿಸಿಕೊಡುತ್ತ, ಮುಂಜಾನೆಯ ಹೊತ್ತು ಗದ್ದಲದ ಸಂಭ್ರಮದಿAದ ಕೂಡಿರುತ್ತಿದ್ದ 'ಪ್ರಕಾಶಣ್ಣನ ಅಂಗಡಿ' ಜಗುಲಿ ಗುರುವಾರದಿಂದ ನಿಶ್ಯಬ್ದವಾಗಲಿದೆ.
