ವಿಜಯಪುರ: ದೇವನಹಳ್ಳಿ ಕ್ರೀಡಾಂಗಣದಲ್ಲಿ ಆಯೋಜಿಸಿದ್ದ ತಾಲೂಕು ಮಟ್ಟದ ಪ್ರೌಢಶಾಲಾ ವಿಭಾಗದ ಕುಸ್ತಿ ಪಂದ್ಯಾವಳಿಯಲ್ಲಿ ಭಾಗವಹಿಸಿದ್ದ ವಿಜಯಪುರದ ಪ್ರಗತಿ ಪ್ರೌಢಶಾಲೆ ವಿದ್ಯಾರ್ಥಿಗಳು ಜಿಲ್ಲಾ ಹಂತಕ್ಕೆ ಆಯ್ಕೆಯಾಗಿದ್ದಾರೆ. ಬಾಲಕರ ತಂಡದಲ್ಲಿ 92 ಕೆಜಿ ವಿಭಾಗದಲ್ಲಿ ಇಸ್ಮಾಯಿಲ್ ಖಾನ್, 65 ಕೆಜಿ ವಿಭಾಗದಲ್ಲಿ ನಿಶಾಂತ್ ಬಿ.ರಾಜ್, 60 ಕೆಜಿ ವಿಭಾಗದಲ್ಲಿ ಪವನ್ ಕುಮಾರ್, 48 ಕೆಜಿ ವಿಭಾಗದಲ್ಲಿ ಶರಣ್ ರಾಜ್, 46 ಕೆಜಿ ವಿಭಾಗದಲ್ಲಿ ಹುಸೇನ್, 51 ಕೆಜಿ ವಿಭಾಗದಲ್ಲಿ ಕೇಶವ ಪ್ರಸಾದ್, 43 ಕೆಜಿ ವಿಭಾಗದಲ್ಲಿ ಪಿ.ಆರ್.ರಂಜಿತ್, 71 ಕೆಜಿ ವಿಭಾಗದಲ್ಲಿ ಲಿತೀಶ್, ಹಾಗೂ ಬಾಲಕಿಯರ ತಂಡದಲ್ಲಿ ಎಸ್.ಪಾವನಿ 65 ಕೆಜಿ, ಪಿ.ಆರ್.ಸಹನಾ 43 ಕೆಜಿ ವಿಭಾಗದಲ್ಲಿ ಪ್ರಥಮ ಸ್ಥಾನಗಳಿಸಿ ಜಿಲ್ಲಾ ಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ. ವಿಜೇತರಾದ ವಿದ್ಯಾರ್ಥಿಗಳನ್ನು ಪ್ರಗತಿ ಶಿಕ್ಷಣ ಸಂಸ್ಥೆಗಳ ಅಧ್ಯಕ್ಷ ಎಂ.ಸತೀಶ್ ಕುಮಾರ್, ವ್ಯವಸ್ಥಾಪಕ ನಿರ್ದೇಶಕ ಎಸ್.ಕೃಪಾಶಂಕರ್, ಆಡಳಿತ ಅಧಿಕಾರಿ ರಜತ ಪಟೇಲ್, ಮುಖ್ಯಶಿಕ್ಷಕ ವಿ.ಬಸವರಾಜು, ಶಿಕ್ಷಕರು ಸನ್ಮಾನಿಸಿದರು.
