ಸದ್ಯ ವಿಮೆ ನೋಂದಣಿಯಲ್ಲಿ ಪಿರಿಯಾಪಟ್ಟಣ ತಾಲೂಕಿನ ಕಸಬಾ ಹೋಬಳಿಗೆ ಭತ್ತ, ರಾಗಿ, ಬೆಟ್ಟದಪುರ ಹೋಬಳಿಗೆ ಭತ್ತ, ಮುಸುಕಿನ ಜೋಳ, ರಾಗಿ ಅಲಸಂದೆ, ಆಲೂಗಡ್ಡೆ, ರಾವಂದೂರು ಮತ್ತು ಹಾರನಹಳ್ಳಿ ಹೋಬಳಿಗೆ ಭತ್ತ, ಮುಸುಕಿನ ಜೋಳ, ರಾಗಿ, ಅಲಸಂದೆಗೆ ಅರ್ಜಿ ಹಾಕಲು ಅವಕಾಶ ನೀಡಲಾಗಿದೆ. ಅಲಸಂದೆ ಬೆಳೆಗೆ ಜು.1, ಆಲುಗಡ್ಡೆ ಬೆಳೆಗೆ ಜು.15, ಭತ್ತ ಬೆಳೆಗೆ ಆ.18, ಜೋಳ, ರಾಗಿ ಬೆಳೆಗಳಿಗೆ ಜು.31 ಕಡೆಯ ದಿನವಾಗಿದೆ.
ಸರ್ಕಾರ ಜಾರಿಗೆ ತಂದಿರುವ ಸಂರಕ್ಷಣೆ ಕರ್ನಾಟಕ ಜಾಲತಾಣಕ್ಕೆ ರೈತರು ಭೇಟಿ ನೀಡಿ ಬೆಳೆ ವಿಮೆ ನೋಂದಣಿ ಮಾಡಿಕೊಳ್ಳಬಹುದಾಗಿದೆ. ಮೈಸೂರು ಜಿಲ್ಲೆಗೆ ಟಾಟಾ ಎಐಜಿ ಜನರಲ್ ಇನ್ಶೂರೆನ್ಸ್ ಕಂಪನಿ ಆಯ್ಕೆಯಾಗಿದ್ದು, ರೈತರು ಮಾಹಿತಿ ಬೇಕಾದಲ್ಲಿ ಟೋಲ್ ಫ್ರೀ ನಂ.18002093536 ಸಂಪರ್ಕಿಸಬಹುದಾಗಿದೆ.
