ಸಾಮಾನ್ಯ ಸಭೆಯಲ್ಲಿ ನಿರ್ಣಯ ಮಾಡಿದ ವಿಚಾರದ ಕಾನೂನು ಪ್ರಕ್ರಿಯೆಯನ್ನು ತಕ್ಷಣ ಮಾಡಬೇಕು. ಮುಂದಿನ ಸಾಮಾನ್ಯ ಸಭೆಯ ನಾಲ್ಕೈದು ದಿನ ಮೊದಲು ಮಾಡಿ ಪ್ರಯೋಜನವಿಲ್ಲ. ಸದಸ್ಯರಿಗೆ ನೀಡುವ ಅನುದಾನದ ಕ್ರೀಯಾ ಯೋಜನೆ ಮಾಡಿ ಗುತ್ತಿಗೆ ಹಾಕಲು ಅವಕಾಶ ನೀಡುವ ಕಾರ್ಯವಾಗಲಿ. ದೇವಸ್ಥಾನದ ಆಸುಪಾಸಿನಲ್ಲಿರುವ ಶೌಚಗೃಹದ ಸುತ್ತಮುತ್ತ ಸ್ವಚ್ಛ ಮಾಡಿ ಉದ್ಯಾನವನ ಮಾಡಿ ಸುಂದರವಾಗಿಸಬೇಕು. ವಿಟ್ಲದಲ್ಲಿ ತಲೆಯೆತ್ತುತ್ತಿರುವ ದೊಡ್ಡ ಕಟ್ಟಡಗಳ ಶೌಚ ತ್ಯಾಜ್ಯ ತೋಡಿಗೆ ಬಿಡುತ್ತಿದ್ದಾರೆ. ಇಂಗುಗುಂಡಿ ಮಾಡಬೇಕೆಂಬ ನಿಯಮವಿದ್ದರೂ ಇದನ್ನು ಗಾಳಿ ತೂರಲಾಗುತ್ತಿದೆ. ತೋಡಿನಲ್ಲಿ ನೀರಿನ ಹರಿವು ಇರುವಾಗ ಯಾವುದೇ ಸಮಸ್ಯೆಯಾಗದಿದ್ದರೂ, ನೀರಿಲ್ಲ ಸಮಯ ಗಬ್ಬುನಾರುತ್ತಿದೆ. ಪರವಾನಗಿ ನವೀಕರಣಕ್ಕೆ ಮೊದಲು ಸೂಕ್ತ ವ್ಯವಸ್ಥೆ ಮಾಡಿಸಬೇಕು. ಮುಖ್ಯ ರಸ್ತೆಯ ಚರಂಡಿ ಸ್ವಚ್ಛ ಮಾಡದೆ, ರಸ್ತೆಯಲ್ಲೇ ಕೊಚ್ಚೆ ನೀರು ಹರಿಯುತ್ತಿದೆ. ವಿದ್ಯಾರ್ಥಿಗಳು ಕೆಸರಿನ ಸ್ನಾನ ಮಾಡಿ ತರಗತಿಗಳಿಗೆ ಹೋಗಲಾದ ಸ್ಥಿತಿನಿರ್ಮಾಣವಾಗುತ್ತಿದೆ ಎಂದು ದೂರಿದರು.
