ರಿಪೇರಿಗೆ ವಿಳಂಭ: ಗ್ರಾಮೀಣ ಪ್ರದೇಶಗಳಲ್ಲಿ ಮಳೆಗಾಳಿಗೆ ಹಾನಿಯಾದ ವಿದ್ಯುತ್ ಕಂಬಗಳ ದುರಸ್ತಿಗೆ ವಿಳಂಭ ನೀತಿ ಅನುಸರಿಸುವುದರಿಂದ ವಿದ್ಯುತ್ ಸಂಪರ್ಕವಿಲ್ಲದೆ ಗ್ರಾಮೀಣ ಜನರು ಪರದಾಡುವಂತಾಗಿದೆ, ಬೆಸ್ಕಾಂ ಕಚೇರಿಗೆ ಹಲವು ಬಾರಿ ಎಡತಾಕಿದರೂ ಅಧಿಕಾರಿ ಸಿಬ್ಬಂದಿಯಿಂದ ಸಮರ್ಪಕ ಸ್ಪಂದನೆ ಸಿಗುವುದಿಲ್ಲ ಎಂಬ ಆರೋಪ ಕೇಳಿಬರುತ್ತಿದೆ. ಇನ್ನು ಪೋನ್ ಕರೆಯಂತು ಸ್ವೀಕರಿಸುವುದೇ ಇಲ್ಲ, ಬೆಸ್ಕಾಂ ಸಹಾಯವಾಣಿಗೆ ಕರೆ ಮಾಡಿದರೆ ದುರಸ್ತಿ ಮಾಡುತ್ತಾರೆ ಬರುತ್ತಾರೆ ಎಂಬ ಸಿದ್ದ ಉತ್ತರವಷ್ಟೇ ಬರುತ್ತದೆ ಆದರೆ ಕೆಲಸ ಚುರುಕುಗೊಳ್ಳುವುದಿಲ್ಲ ಎಂಬುದು ಗ್ರಾಮಸ್ಥರ ಆರೋಪವಾಗಿದೆ. ಇದರಿಂದ ನಗರ ಪ್ರದೇಶಗಳೂ ಹೊರತಾಗಿಲ್ಲ, ಜಿಲ್ಲೆಯ ನಾಲ್ಕೂ ತಾಲೂಕುಗಳ ಪೈಕಿ ಹೊಸಕೋಟೆಯಲ್ಲಿ ವಿದ್ಯುತ್ ಕಡಿತದಂಥ ಪ್ರಕರಗಳು ಹೆಚ್ಚಿವೆ, ಇಲ್ಲಿನ ಬೆಸ್ಕಾಂ ಅಧಿಕಾರಿಗಳ ವಿರುದ್ಧ ಸಾರ್ವಜನಿಕರು ಹಲವು ಬಾರಿ ಆಕ್ರೋಶ ಹೊರಹಾಕಿದ್ದಾರೆ.
