ಇವರ ತಂದೆ ನಾಗಪ್ಪ ಹಾವೇರಿ ಕಾಗಿನೆಲೆ ಬಸ್ನಿಲ್ದಾಣದ ಬಳಿ ಹಮಾಲಿ ಕೆಲಸ ಮಾಡುತ್ತಿದ್ದರೆ, ತಾಯಿ ದುರಗಮ್ಮ, ಹಿರಿಯ ಸಹೋದರ ಮಂಜಪ್ಪ ಬಿಎ ಮುಗಿಸಿ ಕೃಷಿ ಜಮೀನಿನಲ್ಲಿ ಕೂಲಿ ಕೆಲಸ ಮಾಡುತ್ತ ಮಾಲತೇಶನ ಓದಿಗೆ ಸಹಾಯ ಮಾಡಿದರು. ಇನ್ನೋರ್ವ ಸಹೋದರ ಗುಡ್ಡಪ್ಪ ಪಿಯುಸಿ ಮುಗಿಸಿ ಕೆಲಸಕ್ಕೆ ಸೇರಿಕೊಂಡು ಬಾಹ್ಯವಾಗಿ ಪದವಿ ಕಲಿಯುತ್ತಿದ್ದಾನೆ. ಮಾಲತೇಶ ಓದಿನಲ್ಲಿ ಸದಾ ಮುಂದಿದ್ದರಿಂದ ಕುಟುಂಬದವರೆಲ್ಲರೂ ದುಡಿದು ನಗರದ ಜಿಎಚ್ ಕಾಲೇಜ್ನಲ್ಲಿ ಪಿಯುಸಿ ವಿಜ್ಞಾನ ವಿಭಾಗಕ್ಕೆ ಸೇರಿಸಿದ್ದರು. ಕುಟುಂಬದವರ ಶ್ರಮ ವ್ಯರ್ಥ ಮಾಡದ ಮಾಲತೇಶ, ದ್ವಿತೀಯ ಪಿಯುಸಿಯಲ್ಲಿ 600ಕ್ಕೆ 558ಅಂಕಗಳಿಸಿ ಶೇ. 93ರಷ್ಟು ಅಂಕಗಳಿಸಿ ಕಾಲೇಜ್ಗೆ ಮೊದಲ ಸ್ಥಾನ ಪಡೆದಿದ್ದಾನೆ. ಭೌತಶಾಸ್ತ್ರದಲ್ಲಿ 96, ರಸಾಯನಶಾಸ್ತ್ರದಲ್ಲಿ 91, ಗಣಿತದಲ್ಲಿ 99, ಜೀವಶಾಸ್ತ್ರದಲ್ಲಿ 96 ಅಂಕಗಳಿಸಿದ್ದಾನೆ.
