ಜಿಲ್ಲೆಯ ಪ್ರತಿಷ್ಠಿತ ಅಂಚೆ ಚೀಟಿ ಸಂಗ್ರಹಕಾರರು ಭಾಗವಹಿಸಲಿದ್ದು, ತಮ್ಮ ಸಂಗ್ರಹವನ್ನು ಪ್ರದರ್ಶಿಸಲಿದ್ದಾರೆ.ಈ ಪ್ರದರ್ಶನದಲ್ಲಿ ಸುಮಾರು 150ಕ್ಕೂ ಅಧಿಕ ಫಲಕಗಳಲ್ಲಿ ವಿವಿಧ ಅಂಚೆ ಚೀಟಿಗಳು ಹಾಗೂ ಅಂಚೆ ಪರಿಕರಗಳನ್ನು ಪ್ರದರ್ಶಿಸಲಾಗುವುದು. ಪ್ರಥಮ ವಿಭಾಗದಲ್ಲಿ ಇನ್ವಿಟೇಶನ್ ಕ್ಲಾಸ್( ಆಹ್ವಾನಿತರು)ನಲ್ಲಿ ಈ ಹಿಂದೆ ವಿವಿಧ ಪ್ರದರ್ಶನದಲ್ಲಿ ಪ್ರಶಸ್ತಿ ವಿಜೇತರಾದ ಜಿಲ್ಲೆಯ ಸಂಗ್ರಹಕಾರರು ಸಂಗ್ರಹವನ್ನು ಪ್ರದರ್ಶಿಸಲಿದ್ದಾರೆ. ಎರಡನೇ ವಿಭಾಗದಲ್ಲಿ ಜಿಲ್ಲೆಯ ಸಂಗ್ರಹಣಕಾರರು ತಮ್ಮ ಅಂಚೆಚೀಟಿಗಳ ಸಂಗ್ರಹವನು, ಮೂರನೇ ವಿಭಾಗದಲ್ಲಿ ಜಿಲ್ಲೆಯ ಯುವ ಜನ ಹಾಗು ಮಕ್ಕಳು ತಮ್ಮ ಸಂಗ್ರಹವನ್ನು ಪ್ರದರ್ಶಿಸಲಿದ್ದು ಉತ್ತಮ ಪ್ರದರ್ಶನಗಳಿಗೆ ಪ್ರಶಸ್ತಿಗಳನ್ನು ನೀಡಲಾಗುವುದು. ಮಕ್ಕಳಿಗಾಗಿ ಅಂಚೆ ಚೀಟಿ ಸಂಗ್ರಹಣೆಯ ಬಗ್ಗೆ ಕಾರ್ಯಾಗಾರವನ್ನು ಏರ್ಪಡಿಸಲಾಗುವುದು. ಈ ಸಂದರ್ಭದಲ್ಲಿ ನಾಲ್ಕು ವಿಶೇಷ ಅಂಚೆ ಲಕೋಟೆಗಳು ಮತ್ತು ಹನ್ನೊಂದು ಪಿಕ್ಚರ್ ಪೋಸ್ಟ್ ಕಾರ್ಡ್ ( ಸಚಿತ್ರ ಅಂಚೆ ಕಾರ್ಡ್ ) ಅನಾವರಣಗೊಳ್ಳಲಿವೆ ಎಂದು ಮಾಹಿತಿ ನೀಡಿದರು. ಅಧಿಕಾರಿಗಳಾದ ಕೃಷ್ಣರಾಜ ಭಟ್, ವಸಂತ್, ಪೂರ್ಣಿಮಾ ಜನಾರ್ದನ್, ಸುರೇಶ್ ಕೆ. ಉಪಸ್ಥಿತರಿದ್ದರು.
