‘ರಾಜಕೀಯ’ ಹೇಳಿಕೆ ಚರ್ಚೆಗೆ ಗ್ರಾಸ

ವಿಪಕ್ಷ ಸದಸ್ಯೆ ಅಕ್ಷತಾ ಪ್ರತಿಕ್ರಿಯಿಸಿ, ನಾವೇನು ರಾಜಕೀಯ ಲಾಭಕ್ಕೋಸ್ಕರ ಮಾಡಿಲ್ಲ. ಕಳೆದ ಸಭೆಗಳಲ್ಲಿ ತ್ಯಾಜ್ಯ ತೆರವಿಗೆ ಆಗ್ರಹಿಸಿದ್ದೆ. ಎರಡು ಲೋಡು ತ್ಯಾಜ್ಯ ತೆರವು ಮಾಡಿ ಬಳಿಕ ಸ್ಥಗಿತವಾಗಿದೆ. ಇದರಿಂದ ಬೇಸತ್ತ ಆ ಭಾಗದ ಜನ ಪ್ರತಿಭಟನೆ ಮಾಡಿದ್ದಾರೆ. ಬಳಿಕ ತ್ಯಾಜ್ಯ ವಿಲೇಗೆ ಚಾಲನೆ ಸಿಕ್ಕಿದೆ. ಜನರು ತಮಗೆ ಆಗುತ್ತಿರುವ ತೊಂದರೆ ವಿರುದ್ಧ ಪ್ರತಿಭಟಿಸಿದರೆ ಅದು ಹೇಗೆ ರಾಜಕೀಯವಾಗುತ್ತದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಸದಸ್ಯ ದಯಾನಂದ ಪೊಯ್ಯೆತಡ್ಡ ಮಾತನಾಡಿ, ಪ್ರತಿಭಟನೆ ರಾಜಕೀಯ ಎಂದು ಹೇಳುವುದಾದರೆ ಕಳಾರದಲ್ಲಿ ಮಲತ್ಯಾಜ್ಯ ಘಟಕ ನಿರ್ಮಾಣಕ್ಕೆ ವಿರೋಧಿಸಿದವರ ಹಿಂದೆ ಪಪಂ ಅಧ್ಯಕ್ಷರು ಹಾಗೂ ಸ್ಥಾಯಿ ಸಮಿತಿ ಅಧ್ಯಕ್ಷರು ಇದ್ದಾರೆ ಎನ್ನುವ ಅರೋಪವಿದೆ, ಇದು ರಾಜಕೀಯ ಅಲ್ಲವಾ ಎಂದರು. ಈ ವೇಳೆ ಮಾತಿನ ಚಕಮಕಿ, ಆರೋಪ ಪ್ರತ್ಯಾರೋಪ ನಡೆದವು.

ಪಪಂ ವ್ಯಾಪ್ತಿಯಲ್ಲಿನ ಬೀದಿ ದೀಪಗಳ ನಿರ್ವಹಣೆ, ಪೌರ ಕಾರ್ಮಿಕರ ಕೊರತೆ, ಅಪಾಯಕಾರಿ ಮರಗಳ ತೆರವು, ಮೆಸ್ಕಾಂ ಲೈನ್‌ಮನ್‌ಗಳ ಕೊರತೆ, ರಸ್ತೆ ಪಕ್ಕದ ಚರಂಡಿಯ ಹೂಳೆತ್ತುವುದು ಇತ್ಯಾದಿ ವಿಚಾರಗಳ ಬಗ್ಗೆ ಚರ್ಚಿಸಲಾಯಿತು.

ಉಪಾಧ್ಯಕ್ಷೆ ನೀಲಾವತಿ ಶಿವರಾಮ್, ಸದಸ್ಯರಾದ ಅಕ್ಷತಾ ಬಾಲಕೃಷ್ಣ,ಸೈಮನ್ ಸಿ.ಜೆ., ಕೃಷ್ಣಪ್ಪ ಬೈಲಂಗಡಿ, ರೋಹಿತ್ ಪಣೆಮಜಲು, ಮಹಮ್ಮದ್ ಫೈಝಲ್, ಗುಣವತಿ ರಘುರಾಮ, ಮೋಹನ, ಕೃಷ್ಣಪ್ಪ ನಾಯ್ಕ, ಕುಸುಮಾ, ನಾಮ ನಿರ್ದೇಶಿತ ಸದಸ್ಯರಾದ ಫಝಲ್, ಮೋಹನದಾಸ, ಶಾಲಿನಿ, ಮುಖ್ಯಾಧಿಕಾರಿ ಲೀಲಾವತಿ ಇ., ಹಿರಿಯ ಆರೋಗ್ಯ ನಿರೀಕ್ಷಕಿ ಶ್ವೇತಾ ಕಿರಣ್, ಸಿಬ್ಬಂದಿ ಬಾಲಕೃಷ್ಣ, ವಾರಿಜಾ, ಕೀರ್ತನ್, ಹರೀಶ್ ಇದ್ದರು.