ಸವಟೂರಿನ ಖಾಸಗಿ ಡೇರಿ ಮೇಲೆ ಪೊಲೀಸರ ದಾಳಿ

ಮುಳಬಾಗಿಲು: ಕೆಮಿಕಲ್​ ಮಿಶ್ರಿತ ಹಾಲು ತಯಾರಿಸುತ್ತಿದ್ದಾರೆ ಎಂಬ ದೂರಿನ ಮೇಲೆ ತಾಲೂಕಿನ ನಂಗಲಿ ಸಮೀಪದ ಸವಟೂರು ಗ್ರಾಮದ ಖಾಸಗಿ ಡೇರಿ ಮೇಲೆ ವಿಶ್ವ ಹಾಲು ದಿನಾಚರಣೆ ದಿನವೇ ಮುಳಬಾಗಿಲು ಪೊಲೀಸ್​ ಉಪ ವಿಭಾಗದ ಉಪಾಧೀಕ್ಷಕ ಡಿ.ಸಿ.ನಂದಕುಮಾರ್​ ಮತ್ತು ಸಿಬ್ಬಂದಿ ದಾಳಿ ಮಾಡಿ ಹಾಲಿನ ಮಾದರಿ ಸಂಗ್ರಹಿಸಿ ಪ್ರಯೋಗಾಲಯಕ್ಕೆ ಕಳಿಸಿಕೊಟ್ಟು, ನಂಗಲಿ ಠಾಣೆಯಲ್ಲಿ ಎನ್​ಸಿಆರ್​ ಪ್ರಕರಣ ದಾಖಲಿಸಿದ್ದಾರೆ.

ಪೊಲೀಸರು ಹಾಲಿನ ಮಾದರಿ ಆಹಾರ ಇಲಾಖೆ ಅಧಿಕಾರಿಳಿಗೆ ನೀಡಿ ವರದಿ ನೀಡುವಂತೆ ಸೂಚನೆ ನೀಡಿದ್ದಾರೆ.

ಸವಟೂರು ಗ್ರಾಮದ ಹರೀಶ್​ ರೆಡ್ಡಿ ಅವರ ಖಾಸಗಿ ಹಾಲಿನ ಡೇರಿಯಿಂದ ಆಂಧ್ರದ ಖಾಸಗಿ (ತಿರುಮಲ) ಹಾಲಿನ ಡೇರಿಗೆ ಹಾಲು ಸರಬರಾಜು ಮಾಡುತ್ತಿದ್ದರು ಎಂಬ ಮಾಹಿತಿ ಪೊಲೀಸರು ಕಲೆ ಹಾಕಿ ಕೆಮಿಕಲ್​ ಹಾಲು ತಯಾರಿಕೆಗೆ ಬಳಸುತ್ತಿದ್ದ ರಾಸಾಯನಿಕ ಸೇರಿ ಉಪಕರಣಗಳನ್ನು ವಶಕ್ಕೆ ಪಡೆದುಕೊಂಡರು.