ವ್ಯವಸ್ಥೆಯ ಬಗ್ಗೆ ಅಭಿಪ್ರಾಯ ತಿಳಿಯಲು ಪ್ರತಿ ಠಾಣೆಗಳಲ್ಲಿ ಕ್ಯೂಆರ್ ಕೋಡ್ ವ್ಯವಸ್ಥೆ ಅಳವಡಿಸಲಾಗಿದೆ. ರಾಜ್ಯ ಪೊಲೀಸ್ ಇಲಾಖೆಯು ಲೋಕಸ್ಪಂದನ ಹೆಸರಿನಲ್ಲಿ ಪೋರ್ಟಲ್ ಒಂದನ್ನು ಪ್ರಾರಂಭಿಸಿದೆ. ಪ್ರತಿ ಠಾಣೆಗಳ ಎದುರು ಫಲಕವೊಂದನ್ನು ಅಳವಡಿಸಿದ್ದು, ಅದರಲ್ಲಿ ಕ್ಯೂಆರ್ ಕೋಡ್ ಇಡಲಾಗಿದೆ. ಅದನ್ನು ಸ್ಕ್ಯಾನ್ ಮಾಡಿದರೆ ನೇರವಾಗಿ ಲೋಕಸ್ಪಂದನ ಪೋರ್ಟಲ್ ತೆರೆದುಕೊಳ್ಳಲಿದೆ. ಪೊಲೀಸ್ ಠಾಣೆಗೆ ಭೇಟಿ ನೀಡಿದವರು ಠಾಣೆಯ ಸೇವೆಯ ಬಗ್ಗೆ ಸ್ಟಾರ್ ರೇಟಿಂಗ್ ನೀಡಬಹುದು ಅಥವಾ ಬೇರೆ ವಿಚಾರಗಳನ್ನೂ ನಮೂದಿಸಬಹುದಾಗಿದೆ. ನೇರವಾಗಿ ರಾಜ್ಯ ಮಟ್ಟದ ಅಧಿಕಾರಿಗಳು ಅದನ್ನು ನೋಡಬಹುದಾದ ವ್ಯವಸ್ಥೆ ಇದೆ. ಜಿಲ್ಲಾ ಕಂಟ್ರೋಲ್ ರೂಂನಲ್ಲಿ ಅದರ ನಿರಂತರ ಮೇಲ್ವಿಚಾರಣೆ ನಡೆಯಲಿದೆ. ರಾಜ್ಯದ ಇತರ ಕೆಲ ಜಿಲ್ಲೆಗಳಲ್ಲಿ ಈ ಬ್ಯಾನರನ್ನು ಈಗಾಗಲೇ ಅಳವಡಿಸಲಾಗಿದ್ದು, ಜಿಲ್ಲೆಯ ಎಲ್ಲ 29 ಠಾಣೆಗಳಲ್ಲಿ ಮಂಗಳವಾರ ಬ್ಯಾನರ್ ಅಳವಡಿಸಲಾಗಿದೆ.
