ಮಹಾರಾಷ್ಟ್ರದ ಔರಂಗಬಾದ್ ಜಿಲ್ಲೆ ಗಂಗಾಪುರ ತಾಲೂಕಿನ ಪಕೋರ ಗ್ರಾಮದ ಬಚ್ಚನ್ ಹಾಗೂ ವಜರ್ ನಿವಾಸಿ ವಿವೇಕ್ ಬಂಧಿತರು. ಕಳ್ಳರ ಪತ್ತೆಗೆ ಹೊಸಪೇಟೆ ಡಿವೈಎಸ್ಪಿ ರಘುಕುಮಾರ್ ನೇತೃತ್ವದಲ್ಲಿ ಪಿಐ ನಾರಾಯಣ.ವಿ.ಸಿದ್ದೇಶ್ವರ ಮತ್ತು ಪಿಎಸ್ಐ ಜಡಿಯಪ್ಪ, ಸಿಬ್ಬಂದಿ ಕೆ.ಎಂ.ಉಮಾಶಂಕರ್, ಎಂ.ಸಾಬಯ್ಯ, ಜಾವೀದ್ ಅಶ್ರಫ್, ಶ್ರೀಕಾಂತ್ ಬಾಬು, ಸುರೇಶ್, ಜೆ.ಕೊಟ್ರೇಶ್, ಕಾಳ್ಯನಾಯಕ್, ತಿಮ್ಮಪ್ಪ, ಗಾಳೆಪ್ಪ, ಕೊಟ್ರೇಶ್ ಒಳಗೊಂಡ ತಂಡ ರಚಿಸಲಾಗಿತ್ತು. ಮಾ.17ರಂದು ಖಚಿತ ಮಾಹಿತಿ ಮೇರೆಗೆ ಕಳ್ಳರಿಬ್ಬರನ್ನು ಬಂಧಿಸಿ, ವಿಚಾರಣೆ ನಡೆಸಿದಾಗ ಕಳೆದ ಐದು ವರ್ಷದಿಂದ ಕಳ್ಳತನ ನಡೆಸುತ್ತಿರುವುದಾಗಿ ಒಪ್ಪಿಕೊಂಡಿದ್ದಾರೆ. ಬಂಧಿತರಿಂದ 50 ಗ್ರಾಂ ಚಿನ್ನ ವಶಪಡಿಸಿಕೊಂಡು ನ್ಯಾಯಾಲಯದ ಅನುಮತಿ ಪಡೆದು ಮಹಾರಾಷ್ಟ್ರದ ಪಕೋರಕ್ಕೆ ತೆರಳಿ 1.167 ಕೆಜಿ ಚಿನ್ನ ಮತ್ತು 12.380 ಕೆಜಿ ಬೆಳ್ಳಿ ಜಪ್ತಿ ಮಾಡಲಾಗಿದೆ.
