*ನಾಗರಿಕ ಸ್ನೇಹಿ ಇಲಾಖೆ
ಜಿಲ್ಲೆಯಲ್ಲಿ ಪೊಲೀಸ್ ಸ್ನೇಹಿ ವಾತಾವರಣ ನಿರ್ಮಿಸುವ ವಿಚಾರದಲ್ಲಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕುಶಾಲ್ ಚೌಕ್ಸೆ ಮೊದಲಿನಿಂದಲೂ ವಿಶೇಷ ಆದ್ಯತೆ ನೀಡುತ್ತಿದ್ದು ಮನೆ ಮನೆ ಪೊಲೀಸ್ ಅಭಿಯಾನಕ್ಕೆ ಜತೆಯಲ್ಲಿ ದಿನಕ್ಕೊಂದು ಸೈಬರ್ ಅಪರಾಧ ಜಾಗೃತಿ ಹಾಗೂ ಸಂಚಾರಿ ನಿಯಮಗಳ ಸಂದೇಶ ರವಾನೆ, ಶಾಲಾ ಕಾಲೇಜುಗಳಲ್ಲಿ ವಿದ್ಯಾರ್ಥಿಗಳಿಗೆ ಕಾನೂನು ನಿಯಮಗಳ ಮಹತ್ವದ ಉಪನ್ಯಾಸ, ಠಾಣೆಗಳಿಗೆ ಆಹ್ವಾನಿಸಿ ಕಾರ್ಯ ನಿರ್ವಹಣೆಯ ಪ್ರಾತ್ಯಕ್ಷಿಕೆ ತೋರಿಸುವುದು, ಬ್ಯಾಂಕುಗಳಲ್ಲಿ ಸುರಕ್ಷತಾ ನಿಯಮಗಳ ಪಾಲನೆ ಪರಿಶೀಲನೆ, ಅಕ್ರಮ ಚಟುವಟಿಕೆಗೆ ಕಡಿವಾಣ ಹಾಲು ಫುಟ್ ಪೆಟ್ರೋಲಿಂಗ್, ಅಪ್ರಾಪ್ತರ ವಾಹನ ಚಾಲನೆ ಪತ್ತೆ, ಕರ್ಕಶ ಧ್ವನಿಯ ಬೈಕ್ ಸೈಲೆನ್ಸರ್ಗಳ ನಾಶ, ಹೆಲ್ಮೆಟ್ ವಿತರಣೆ ಪೊಲೀಸ್ ಮಾದರಿ ಗ್ರಾಮ, ಠಾಣೆಗಳಲ್ಲಿ ಶ್ರಮದಾನ ಸೇರಿದಂತೆ ವಿವಿಧ ಕ್ರಿಯಾಶೀಲ ಚಟುವಟಿಕೆಯ ಮೂಲಕ ಇಲಾಖೆಯು ಗಮನ ಸೆಳೆಯುತ್ತಿದೆ.
