ಕಲರ್​ ಪ್ರಿಂಟ್​ ಬಳಸಿ ಖೋಟಾ ನೋಟು ತಯಾರು ಮಾಡಿ, ಚಲಾವಣೆ ಮಾಡುತ್ತಿದ್ದ 11 ಮಂದಿಯನ್ನು ಬಂಧಿಸಿದ ಪೊಲೀಸರು

ದಾವಣಗೆರೆ: ಖೋಟಾ ನೋಟು ಚಲಾವಣೆ ಮಾಡುತ್ತಿದ್ದ 11 ಮಂದಿಯನ್ನು ಪೊಲೀಸರು ಬಂಧಿಸಿದ್ದಾರೆ.

ಬಳ್ಳಾರಿ ಜಿಲ್ಲೆಯ ಹರಪನಹಳ್ಳಿ ತಾಲೂಕಿನ ಲೋಲೇಶ್ವರ ಗ್ರಾಮದಲ್ಲಿ ಘಟನೆ ನಡೆದಿದೆ.

ಈ ಗ್ರಾಮದ ಹನುಮಂತ ಎಂಬಾತ ಕಲರ್​ ಪ್ರಿಂಟ್​ ಬಳಸಿ ಖೋಟಾನೋಟು ಮಾಡುತ್ತಿದ್ದ. ಸ್ಥಳೀಯರು ಅವನನ್ನು ಹಿಡಿದು ಪೊಲೀಸರಿಗೆ ಒಪ್ಪಿಸಿದ್ದರು.

ಬಂಧಿತ ಹನುಮಂತನಿಂದ ಮಾಹಿತಿ ಪಡೆದ ಪೊಲೀಸರು ಉಳಿದ 10 ಮಂದಿಯನ್ನೂ ಬಂಧಿಸಿದ್ದಾರೆ. ಇತ್ತೀಚೆಗೆ ರಾಜ್ಯದಲ್ಲಿ ಖೋಟಾನೋಟು ಹಾವಳಿ ಹೆಚ್ಚಾಗಿದೆ.ಮಂಡ್ಯದ ಮದ್ದೂರು ತಾಲೂಕಿನ ಅಂಕನಾಥಪುರದಲ್ಲಿ ವೃದ್ಧನೋರ್ವನಿಗೆ ಕಲರ್​ ಝೆರಾಕ್ಸ್​ ನೋಟುಗಳನ್ನು ಕರೆನ್ಸಿ ಎಂದು ನಂಬಿಸಿ ಕುರಿ ಖರೀದಿ ಮಾಡುವ ಮೂಲಕ ವಂಚಿಸಿದ ಘಟನೆ ನಿನ್ನೆ ನಡೆದಿದೆ.