ಕಳ್ಳತನ ಆರೋಪಿತ ಕುಮಾರ್ ಕೋಳಿ ಈತ ಲಖನಾಪುರಕ್ಕೆ ಸೆಂಟ್ರಿಂಗ್ ಕೆಲಸ ಮಾಡಲು ಬಂದಿದ್ದ. ಈ ವೇಳೆ ಮಲಗೌಡ ಪಾಟೀಲ ಎಂಬುವರ ಮನೆ ಮೇಲೆ ಕಣ್ಣಿಟ್ಟು ಗುರುವಾರ ರಾತ್ರಿ 2.30ರ ವೇಳೆಗೆ ಮನೆ ಬಾಗಿಲು ಮುರಿದು ಒಳನುಗ್ಗಿ ಮನೆಯಲ್ಲಿದ್ದ ತಿಜೋರಿಯಲ್ಲಿದ್ದ 25 ಗ್ರಾಂ ಚಿನ್ನದ ಸರ, 10 ಗ್ರಾಂ ಚಿನ್ನದ ಉಂಗುರ ಸೇರಿ ಒಟ್ಟು 40.66 ಚಿನ್ನಾಭರಣಗಳನ್ನು ಕಳವು ಮಾಡಿದ್ದನು.
ಪೊಲೀಸರು ತನಿಖೆ ನಡೆಸಿದಾಗ ಶಂಕಿತನ ಬಳಿ ಚಿನ್ನಾಭರಣ ಪತ್ತೆಯಾಗಿದ್ದು, ಪೊಲೀಸರು ಆತನನ್ನು ಬಂಧಿಸಿ ಆತನಿಂದ ಚಿನ್ನಾಭರಣ ವಶಪಡಿಸಿಕೊಂಡಿದ್ದಾರೆ. ಈ ಪ್ರಕರಣ ಭೇಧಿಸುವಲ್ಲಿ ನಿಪ್ಪಾಣಿ ಸಿಪಿಐ ಸಂಗಮೇಶ ಶಿವಯೋಗಿ ಅವರ ನೇತೃತ್ವದಲ್ಲಿ ಪಿಎಸ್ ಐಗಳಾದ ರಮೇಶ ಪವಾರ, ಆರ್.ಜಿ.ಕುಂಬಾರ ಹವಾಲ್ದಾರ ಪರಶುರಾಮ ಕಾಂಬಳೆ ಎಂ.ಎ.ತೆರದಾಳ, ಮಾರುತಿ ಕಾಂಬಳೆ, ಆರ್.ಬಿ.ಪಾಟೀಲ, ಶ್ರೀಶೈಲ್ ಮಾಳಗಿ, ವೀರಪಾಕ್ಷ ಕಡೋಲಿ ಇವರುಗಳು ಶ್ರಮವಹಿಸಿದರು.
