ವಿಷಪೂರಿತ ಸೊಪ್ಪು ತಿಂದು 17 ಕುರಿ ಸಾವು

ಲಕ್ಕೂರು: ಮಾಲೂರು ತಾಲೂಕಿನ ಬಾಳಿಗಾನಹಳ್ಳಿ ಗ್ರಾಪಂ ವ್ಯಾಪ್ತಿಯ ಚಿಕ್ಕಇಗ್ಗಲೂರಿನಲ್ಲಿ ವಿಷಪೂರಿತ ಸೊಪ್ಪು ತಿಂದು 17 ಕುರಿಗಳು ಮಂಗಳವಾರ ಬೆಳಗ್ಗೆ ಮೃತಪಟ್ಟಿವೆ.

ಗ್ರಾಮದ ರೈತ ಎಸ್.ನಾಗರಾಜ್ ಎಂಬುವವರು 40 ಕುರಿಗಳನ್ನು ಸಾಕಿದ್ದಾರೆ. ಮೂರು ದಿನಗಳಿಂದ ಜಡಿಮಳೆ ಸುರಿಯುತ್ತಿರುವುದರಿಂದ ಮೇಯಿಸಲಾಗದೆ ಹೊಲದಲ್ಲಿರುವ ಮೇವು ತಂದು ಹಾಕಿದ್ದರು. ಮೇವಿನಲ್ಲಿ ವಿಷಪೂರಿತ ಸೊಪ್ಪು ಸೇರಿದ್ದು, ಅದನ್ನು ತಿಂದಿರುವ ಕುರಿಗಳು ಮೃತಪಟ್ಟಿವೆ. ಮಾಲೂರು ಪಶು ವೈದ್ಯಾಧಿಕಾರಿ ಸ್ಥಳಕ್ಕೆ ಭೇಟಿ ನೀಡಿ ಉಳಿದ ಕುರಿಗಳಿಗೆ ಚಿಕಿತ್ಸೆ ನೀಡಿದ್ದಾರೆ.