ಪಟ್ಟಣದ ತಾಪಂ ಸಾಮರ್ಥ್ಯಸೌಧದ ಸಭಾಭವನದಲ್ಲಿ ಶನಿವಾರ ಸಾಮಾನ್ಯ ಸಭೆ ಆಯೋಜಿಸಲಾಗಿತ್ತು. ವಿವಿಧ ಇಲಾಖೆಗಳ ಕಾ ಮೇಲೆ ಚರ್ಚೆಯ ಸಂದರ್ಭದಲ್ಲಿ ಪಿಎಂಜಿಎಸ್ ಯೋಜನೆಯಡಿ ಕೈಗೊಂಡ ಕಾಮಗಾರಿ ಪ್ರಗತಿ ಬಗ್ಗೆ ಎಇ ಚಲವಾದಿ ವಿವರಿಸುತ್ತಿದ್ದ ವೇಳೆ, ಸದಸ್ಯ ತಿಪ್ಪಣ್ಣ ಕೊಂಚಿಗೇರಿ, ‘ತಾಲೂಕಿನ ವಿವಿಧೆಡೆ ಕೈಗೊಂಡ ಕೋಟ್ಯಂತರ ರೂ. ವೆಚ್ಚದ ರಸ್ತೆ ಕಾಮಗಾರಿ ವಾಸ್ತವಿಕ ಸ್ಥಿತಿ ಕಣ್ಣಾರೆ ನೋಡಿದ್ದೀರಾ’ ಎಂದು ಪ್ರಶ್ನಿಸಿದರು. ಅದಕ್ಕೆ, ನೋಡಿದ್ದೀನಿ ಏನಾಗಿದೆ ಹೇಳಿ ಎಂದು ಎಇ ಚಲವಾದಿ ಪ್ರತಿಕ್ರಿಯಿಸಿದಾಗ, ಸಿಡಿಮಿಡಿ ಗೊಂಡ ಸದಸ್ಯ ದೇವಪ್ಪ ಲಮಾಣಿ, ‘ನೀವು ಮಾಡಿದ ರಸ್ತೆ ಕಾಮಗಾರಿ ಪೂರ್ಣ ಕಳಪೆ ಆಗಿದ್ದರಿಂದ ಮಾಡಿದ 3 ತಿಂಗಳಲ್ಲಿ ಡಾಂಬರ್ ಕಿತ್ತು ಹಾಳಾಗಿ ಹೋಗಿವೆ. ಸರ್ಕಾರದ ಕೋಟ್ಯಂತರ ಹಣ ನೀರಿನಲ್ಲಿ ಹೋಮ ಮಾಡಿದಂತಾಗಿದೆ. ಯಾವುದೇ ಸಬೂಬು ನೀಡದೆ ರಸ್ತೆ ಸುಧಾರಣೆ ಮಾಡಿ ಸಂಚಾರಕ್ಕೆ ಅನುಕೂಲ ಮಾಡಿ’ ಎಂದು ತಾಕೀತು ಮಾಡಿದರು.
