ಅಪಘಾತ ಸಂತ್ರಸ್ತರಿಗೆ ಪ್ಲಾಸ್ಟಿಕ್ ಸರ್ಜರಿ ವರದಾನ ಆಗಿದೆ. ಅದಕ್ಕೆ ಪೂರಕವಾಗಿ ಮೆಡಿಕಲ್ ಕಾಲೇಜಿನಲ್ಲಿ ಚರ್ಮ ಬ್ಯಾಂಕಿನಂತಹ ಅತಿ ಉಪಯುಕ್ತ ಸೌಲಭ್ಯಗಳನ್ನು ಹೊಂದುತ್ತಿರುವುದು ಉತ್ತಮ ಬೆಳವಣಿಗೆ. ಮೈಸೂರು ಮೆಡಿಕಲ್ ಕಾಲೇಜು 1924ರಲ್ಲಿ ಆರಂಭ ಆಗಿದ್ದು ಒಂದು ಕಾಲದಲ್ಲಿ ಯುರೋಪ್ ದೇಶಗಳಿಗೆ ಸರಿಸಮನಾಗಿ ವೈದ್ಯಕೀಯ ಚಿಕಿತ್ಸೆ ನೀಡುವ ಮೂಲಕ ಖ್ಯಾತಿ ಗಳಿಸಿತ್ತು. ಇಲ್ಲಿನ ಕೆ.ಆರ್. ಆಸ್ಪತ್ರೆ, ಚೆಲುವಾಂಬ ಆಸ್ಪತ್ರೆಗಳು ಜನಸಾಮಾನ್ಯರಿಗೆ ಶತಮಾನದ ಕಾಲ ವೈದ್ಯಕೀಯ ಸೇವೆ ನೀಡುವ ಮೂಲಕ ಖ್ಯಾತಿ ಗಳಿಸಿವೆ. ಈ ಸಂಸ್ಥೆಗೆ ಅಂತಹ ಘನ ಇತಿಹಾಸ ಇದ್ದು, ಅದು ಮುಂದುವರಿಯಬೇಕು. ಸಮಾಜದ ಜನರಿಗೆ ಇನ್ನಷ್ಟು ಗುಣಮಟ್ಟದ ಆರೋಗ್ಯ ಚಿಕಿತ್ಸೆ ಸಿಗಬೇಕು ಎಂದು ಆಶಿಸಿದರು.
