ಗಣಪತಿ ಪೆಂಡಾಲ್ ಆವರಣದ ಶ್ರೀ ಶನೈಶ್ಚರ ಸ್ವಾಮಿ ದೇವಾಲಯದಲ್ಲಿ ವಿಶೇಷ ಪೂಜೆ ಸಲ್ಲಿಸಿ ಯಾತ್ರೆ ಕೈಗೊಂಡರು. ಇಷ್ಟಾರ್ಥ ಸಿದ್ಧಿಗಾಗಿ ಹರಕೆ ತೀರಿಸಲು ಕೈಗೊಂಡಿರುವ ಯಾತ್ರೆಯಲ್ಲಿ ಉರಿ ಬಿಸಿಲನ್ನೂ ಲೆಕ್ಕಿಸದೆ ದಿನಕ್ಕೆ 30-40 ಕಿಮೀ ಕ್ರಮಿಸಲಿದ್ದಾರೆ. ಕಡೂರು, ಚಿಕ್ಕಮಗಳೂರು, ಮೂಡಿಗೆರೆ, ಕೊಟ್ಟಿಗೆಹಾರ, ಉಜಿರೆ ಮಾರ್ಗವಾಗಿ ಧರ್ಮಸ್ಥಳ ತಲುಪಲಿದ್ದಾರೆ.
ಪಟ್ಟಣದ ಅಜ್ಜಂಪುರ ರಸ್ತೆ, ಚೌಡೇಶ್ವರಿ ದೇವಸ್ಥಾನ ಬೀದಿ, ಇಂದಿರಾನಗರ ಸೇರಿದಂತೆ ವಿವಿಧೆಡೆಯಿಂದ ಭಕ್ತರು ಹೊರಟಿದ್ದಾರೆ. ಅವರಿಗೆ ಬೇಕಾದ ವಸ್ತುಗಳನ್ನು ಸರಕು ಸಾಗಣೆ ವಾಹನದಲ್ಲಿ ಶೇಖರಿಸಿಕೊಳ್ಳಲಾಗಿದೆ.
ಪುರಸಭೆ ಸದಸ್ಯ ಬಿ.ಕೆ.ಶಶಿಧರ್ ಬೀಳ್ಗೊಟ್ಟರು. ಪ್ರದೀಪ್, ಶ್ರೀನಿವಾಸ್, ಪ್ರದೀಪ್ ಸುಳ್ಳಪ್ಪ, ಅಭಿಲಾಷ್, ಲೋಕೇಶ್, ಪ್ರಭಾವತಿ, ವಿಶಾಲಮ್ಮ, ಸವಿತಾ, ಅರ್ಪಿತಾ, ರಕ್ಷಿತಾ ಸೇರಿ 30ಕ್ಕೂ ಹೆಚ್ಚು ಭಕ್ತರು ಇದ್ದರು.
