ಫೆಡರೇಷನ್ನಿಂದ ದೆಹಲಿಯಲ್ಲಿ ಆಯೋಜನೆ ಮಾಡಿದ್ದ ಸ್ಪರ್ಧೆಯಲ್ಲಿ ಭಾಗವಹಿಸುವ ಪಾರಿವಾಳ ಮತ್ತೆ ಮಾಲೀಕನ ಬಳಿಗೆ ಬರಬೇಕು. ಈ ಸ್ಪರ್ಧೆಗೆ ಕರ್ನಾಟಕದಿಂದ 20 ಹಾಗೂ ತಮಿಳುನಾಡಿನಿಂದ 2 ಪಾರಿವಾಳ ಭಾಗವಹಿಸಿದ್ದವು. ಅದರಂತೆ ಶ್ರೀಧರ್ ಸಾಕಿದ್ದ ಪಾರಿವಾಳವೂ ಸ್ಪರ್ಧೆಯಲ್ಲಿ ಪಾಲ್ಗೊಂಡಿತ್ತು. ರೇಸ್ಗೂ ಮುನ್ನವೇ ಎಲ್ಲ ಪಾರಿವಾಳಕ್ಕೂ ರಿಂಗ್ ಅಳವಡಿಕೆ ಮಾಡಲಾಗಿತ್ತು. ಏ.5ರಂದು ದೆಹಲಿಯಿಂದ ಪಾರಿವಾಳಗಳನ್ನು ಹಾರಿಬಿಡಲಾಗಿತ್ತು. ಈ ರೀತಿ ಹಾರಿ ಬಿಟ್ಟಿದ್ದ ಪಾರಿವಾಳದ ಪೈಕಿ ಕರ್ನಾಟಕದ 14 ವಾಪಸ್ ಬಂದಿವೆ. ಅದರಲ್ಲಿ ಅಭಿಮನ್ಯು ಕೂಡ ಸೇರಿದೆ. ಕೇವಲ ಒಂದು ವರ್ಷದ ಅಭಿಮನ್ಯು 52 ದಿನ ಹಾರಾಟ ನಡೆಸಿ 1,790 ಕಿ.ಮೀ ಕ್ರಮಿಸಿ ಮೇ.25ರಂದು ವಿ.ಸಿ ಫಾರ್ಮ್ಗೆ ಬಂದಿದೆ. ಈ ಮೂಲಕ ಪ್ರಥಮ ರೇಸ್ನಲ್ಲೇ ಯಶಸ್ಸು ಕಂಡ ಅತಿ ಚಿಕ್ಕ ಪಾರಿವಾಳವೆಂಬ ದಾಖಲೆ ಬರೆದಿದೆ. ರೇಸ್ಗೆಂದು ಪಾರಿವಾಳಕ್ಕೆ ಹಲವು ತಿಂಗಳ ತರಬೇತಿ ನೀಡಲಾಗಿದ್ದು, ಸಾವಿರಾರೂ ಕಿ.ಮೀ ದಾಟಿ ವಾಪಸ್ ಬಂದಿರುವುದು ಖುಷಿಯಾಗಿದೆ ಎಂದು ಮಾಲೀಕ ಶ್ರೀಧರ್ ಹೇಳಿಕೊಂಡಿದ್ದಾರೆ.
