ಅಡಕೆ ತೋಟ ಮುಳುಗಡೆಗೆ ಶಾಶ್ವತ ಪರಿಹಾರ

ಹೆಬ್ರಿ: ಚಾರ ನವೋದಯದ ಬಳಿ 70 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಾಣವಾದ ಸೇತುವೆ ಸಹಿತ ಕಿಂಡಿ ಅಣೆಕಟ್ಟಿನಲ್ಲಿ ನೀರು ಹರಿದು ಕುಡಿಬೈಲ್, ಸಳ್ಳೆಕಟ್ಟೆ ಭಾಗದ ಏಳು ಸಾವಿರ ಅಡಕೆ ಮರ, 100 ತೆಂಗು ಹಾಗೂ ಬಾಳೆ ಮುಳುಗಡೆಯಾದ ಪ್ರದೇಶಕ್ಕೆ ಶಾಶ್ವತ ಕಾಮಗಾರಿಯಿಂದ ಭವಿಷ್ಯದಲ್ಲಿ ಯಾವುದೇ ತೊಂದರೆ ಉಂಟಾಗದಂತೆ ಅಧಿಕಾರಿಗಳು ಕ್ರಮ ವಹಿಸಿದ್ದಾರೆ.

ತಡೆಗೋಡೆ ನಿರ್ಮಾಣ, 350 ಮೀಟರ್ ಪೈಪ್‌ಲೈನ್, ಪುಶಿಂಗ್ ವಿಧಾನ ಬಳಸಿ ಸೋರಿಕೆಯಾಗುವ ನೀರನ್ನು ಹೊರ ಹಾಕುವ ಕಾಮಗಾರಿ ನಡೆದಿದೆ. ಇದರಿಂದಾಗಿ ಮುಳುಗಡೆಯಾಗುವ ಕೃಷಿ ಭೂಮಿಗೆ ಮುಕ್ತಿ ಸಿಗಲಿದೆ. ಈ ಬಗ್ಗೆ ವಿಜಯವಾಣಿ ಆಗಾಗ ವರದಿ ಪ್ರಕಟಿಸಿ, ಅಧಿಕಾರಿಗಳು ಗಮನ ಸೆಳೆದಿತ್ತು.